![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/84/Sicilian_Flag.svg/langscn-640px-Sicilian_Flag.svg.png&w=640&q=50)
Bannera dâ Sicilia
From Wikipedia, the free encyclopedia
La bannera dâ Sicilia (chiamata cumunimenti Trinacria) vinni aduttata ntô 1282 pâ prima vota, sùbbutu doppu li Vespri siciliani. È carattirizzata dâ mmàggini dû trisceli (o trinacria) ntô menzu.
![Thumb image](http://upload.wikimedia.org/wikipedia/commons/thumb/8/84/Sicilian_Flag.svg/320px-Sicilian_Flag.svg.png)
![Thumb image](http://upload.wikimedia.org/wikipedia/commons/thumb/0/07/Bandera_del_MIS_del_1945.png/320px-Bandera_del_MIS_del_1945.png)
Mmeci li culura, rapprisèntanu nturnu li citati di Palermu e Curliuni, chi era canusciuta a ddu tempu comu na citati d'agricultura. Palermu e Curliuni èranu li primi du' citati a funnari na cunfidirazzioni contra li Angiò. Nfini addivintau la bannera ufficiali dâ Riggiuni Autònuma di Sicilia ntô jinnaru dû 2000. La liggi cunzigghia ca la bannera si havi a mustrari davanti ê palazzi pùbbrici, ê scoli, e àutri lochi chi rapprisèntanu la Sicilia.
Sta bannera s'assummigghia a la bannera di l'Ìsula di Man, spiciarmenti ca tutti dui ùsanu lu trisceli. Oggi, lu trisceli è ricanusciutu largamenti comu lu sìmmulu dâ Sicilia. Stu sìmmulu si canusci puru comu la trinacria, chi è lu nomu anticu dâ Sicilia videmma. Stu nomu vinni usatu puru duranti l'èbbica aragunisi sùbbutu doppu li Vespri siciliani chi accabbau lu regnu d'Angiò.