Waltzing Matilda
From Wikipedia, the free encyclopedia
Waltzing Matilda est una cantzone folk australiana, populare susetotus intre is massajos de s'Outback. Aici populare est, chi est istada calificada comente "s'innu natzionale no ufitziale de s'Austràlia".
campidanesu · logudoresu · nugoresu
In s'allega australiana, su tìtulu de sa cantzone signìficat biagiare a pee cun totu is possessos a coddu a intro de una "Matilda" (una barsaca, sachita). Waltzing s'assimìgiat a walking (caminende) e sa Matilda baddende a coddu de su bagamundu. Sa cantzone contat s'istòria de unu traballadore biagiadore, o swagman, chi preparat unu te in unu campu a pustis de àere cassadu una berbeghe de papare. Cando su mere de sa berbeghe arribat cun tres politziotos pro arrestare su traballadore pro sa fura (unu delitu punible cun sa furca) su traballadore s'ochit afoghende·si in unu putzu de abba acanta, e dae tando s'ispiritu suo aparesset in cussu logu.
Sa testu originale fiat iscritu in su 1895 pro su poeta e natzionalista Banjo Paterson. Fiat publicadu sa prima borta in ispartidu in s'annu 1903. Sa cantzone e totu su protzessu de sa criatzione sua est incordonada dae una cantidade manna de contigheddos, a su puntu de ddi dedicare unu museu chi portat su nùmene de Waltzing Matilda Centre in Winton, Queensland.