Regione de Murcia

Sa Regione de Murcia (in ispagnolu: Región de Murcia [reˈxjon de ˈmuɾθja]); est una comunidade autònoma de su sud-estu de s'Ispagna. Su cabulogu est Murcia.

Artìculu in LSC

Murcia in Ispagna

Bandera de Murcia

Sa regione tenet istèrrida de 11.313 km² e populatzione de unos 1.472.000 bividores e est cumposta de una provìntzia sola. Allàcanat in su norti cun sa Comunidade Valenciana, in s'uestu Castìllia-La Mancha, in su sud cun s'Andalusia e in s'estu tenet bessida a sa costera mediterrània.

Su cabulogu, Murcia, est sa sea de is òrganos de guvernu, foras pro su parlamentu, s'Assemblea Regionale, chi s'agatat in Cartagena.

Murcia est una produtora manna de fruta, birduras e frores chi sunt bèndidos in su restu de Ispagna e in totu s'Europa. Bi sunt produidos fintzas binu e ògiu de olia.

Su clima càldumu at fatu de sa regione logu afatenti pro sa massaria, is propiduras sunt nointames meda pagus e in die de oe s'aprovistamentu de s'abba est faghende·si problema de importu, fintzas de prus sende chi sa dimanda est aumentende cun s'isvilupu de su turismu.

Su rèdditu peròmine de Murciaè est de € 19.962, chi si podet pònnere in cumparàntzia cun su de sa regione italiana de is Marcas.

Sa chistionada de Murcia, cunsiderada dialetu meridionale de su castillianu est nodiu pro sa particularidade. Influntzadu de su cadalanu e de s'aragonesu, presentat fintzas medas prestidos de s'àrabu. Su panocho, una bariante faeddada in sa zona de su cabulogu Murcia, est meda incolliosa a cumprendere fintzas de is ispagnolos.

Àteros progetos