![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/58/Rovigo_posizione.png/640px-Rovigo_posizione.png&w=640&q=50)
Polèsine
From Wikipedia, the free encyclopedia
Su Polèsine (in vènetu Połéxine, in dialetu ferraresu Pulésan) est una regione istòrica e geogràfica italiana, cun istèrrida e làcanas chi sunt mudados in su cursu de is sèculos. In passadu fiat fintzas connotu comente Pòlesine de Rovigo.
Artìculu in LSC
![Thumb image](http://upload.wikimedia.org/wikipedia/commons/thumb/5/58/Rovigo_posizione.png/320px-Rovigo_posizione.png)
In die de oe, de una bisura geogràficu-antròpica su Polèsine currespondet a sa provìntzia de Rovigo.[1]; de bisura de sa geografia fìsica est intames definidu che su territòriu chi s'agatat in su cursu bàsciu de is frùmenes Àdige e Po, fintzas a su mare Adriàticu, cun làcana uesta non definida, chi ddu chirriat de is baddes mannas veronesas.[2].
Su territòriu s'iscerat che una limba de terra istrinta e longa, cun isvilupu de s'uestu a s'estu, inserrada intre is duos frùmenes de s'Àdige e su Po, fintzas a su delta de su Po, ricu de unu pore de rios e rastos de antigos frùmenes. Sa prus parte de is caminos antigas s'agatant in is àrgines, duncas in unu pranu prus artu de su de sa campagna a inghìriu.
Su nòmine de Polèsine est unu faeddu vènetu chi dependet de su latinu medievale pollìcinum o polìcinum, chi cheret nàrrere "terra benatzosa".[3]
Antigamente fiat usadu a sustantivu pro inditare is medas isuleddas chi s'agataiant in su caminu de unu o prus frùmenes.[4]
In passadu s'àrea fiat una de is prus intemperiosas e sugetas a sa malaghera de Itàlia.