Non credentes
From Wikipedia, the free encyclopedia
Sos non-credentes sunt sos chi non credent in peruna religione, non nde l'importat nudda de sa religione, non li piaghet sa religione o sunt contr'a sa religione. Cando rifiutan sa fide religiosa los podimus mutire fintzas àteos, agnòsticos, ignòsticos, non-teistas, non religiosos o umanistas làicos. Cando non nde l'importat nudda de sa religione los podimus mutire apateistas. Cando sun contr'a sa religione los podimus mutire anticlericales o anti-teistas.
![](http://upload.wikimedia.org/wikipedia/sc/thumb/2/2e/N%C3%B9goro-Istemma.png/26px-N%C3%B9goro-Istemma.png)
![](http://upload.wikimedia.org/wikipedia/sc/thumb/2/2e/N%C3%B9goro-Istemma.png/26px-N%C3%B9goro-Istemma.png)
campidanesu · LSC · logudoresu
Sas istatìsticas naran chi prus de su 16% de totu sa zente de su mundu (1,1 miliardos de pessones) sunt "non-credentes", ponende paris sos chi naran de esser agnòsticos, àteos, laicistas e sas pessones chi risponden "nudda" o "perunu issèperu religiosu" cando lis dimandant cale est sa religione issoro. In sa realtade, podimus pessare chi su nùmeru de sos non-credentes in totu su mundu siat prus mannu meda, ca b'at zente meda chi risultat cristiana petzi ca l'an batizada a minore, ma a mannos non bi credent prus.