From Wikipedia, the free encyclopedia
Su messàgiu, in su sentidu generali, est su pìngiu de sa comunicatzioni. Est definiu comenti s'informatzioni chi su trasmitidori imbiat a s'arricidori a traessu de unu canali de comunicatzioni o mèdiu de comunicatzioni (po esempru, su fueddu o sa scritura)[1].
logudoresu · LSC · nugoresu
Ddoi at duus sentidus printzipalis de su fueddu "messàgiu" in informàtica: messàgiu intra impitadoris umanus de sistemas informàticus chi funt cunsinnaus de cussus sistemas etotu, e messàgius passaus intra programas o cumponentis de unu sìngulu programa, po is punnas insoru.
Sendi chi is elaboradoris funt automatizaus e non bolint interatzioni umana po unas cantu tareas, ddoi funt pensamentus medas po sa seguridadi e sa privatesa in setoris de s'indùstria informàtica po cantu pertocat is messàgius. Est acuntèssiu bortas medas chi is aplicatzionis de messageria istantànea ant arriscau s'atacu de spyware[2]. Custus pensamentus no funt limitaus a is telefoneddus, elaboradoris o aparatus pretzisus, ma pertocant fintzas is visoris montaus me is veturas, chi oindii funt sofisticaus che is telefoneddus inteligentis e podint tenni vulnerabilidadis a atacus informàticus o essi una distratzioni de sa condutzioni de sa màchina[3][4].