Linguìstica
From Wikipedia, the free encyclopedia
Sa linguìstica est s'istùdiu de sa limba segundu sos mètodos de sa iscièntzia moderna.
Articulu in logudoresu
Sa linguìstica òperat in sos campos de: fonologia, morfologia, sintassi (chi imparis formant sa chi in su connotu la narant gramàtica), mètrica (chi istùdiat s'istrutura rìtmica e sa tècnica componidora de sos versos), semàntica, lessicografia (chi abratzat s'etimologia). Sutadissiprinas suas podent esser cunsideradas sa dialetologia, sa sotziolinguìstica, s'etnolinguìstica e sa psicolinguìstica.
Sos duos mètodos printzipales umperados dae sa linguìstica sunt:
- linguìstica diacrònica, chi in s'universidade italiana la narant glotologia chi cunsistet in s'analizu de sos fenòmenos linguìsticos dae unu puntu de bista istòricu e acaradore e la narant duncas linguìstica acaradora;
- linguìstica sincrònica, chi oe sighit in generale sas teorias de Noam Chomsky a pitzus de sa, gai la narant, gramàtica generativa. Custa si fundat in pagas paràulas in sa chirca de tzertas leges chi règulant sa produtzione (o sa generatzione, comente preferint a narrer) de sos fatos linguìsticos.