Ferrara

Ferrara est una comuna italiana de 131.188 bividores, cabitale de sa provìntzia a su matessi nùmene de s'Emìlia-Romanna.

Articulu in logudoresu

Posidura in sa provìntzia omònima

Situada in su paris bassu emilianu, sa bidda de Ferrara s'agatat in sos oros de su Pou de Volano, chi partzit sa parte medievale dae sa leada orizinale de San Giorgio e alindat su trèmene cun sos assentadorzos noos cuntempuranos a su suddu de sa muralla.

S'UNESCO l'at cuntzèdidu su tìtulu de patrimòniu mundiale de s'umanidade pro sa prima bia in su 1995 comente bidda de su Renaschimentu e, posteriormente, Ferrara at retzidu unu galardone annanghedore in su 1999 pro su Derta de su Pou e pro sas Delìtzias estensas. In prus de custu, sa bidda est una de sas bator cabitales provintziales (impare cun Bèrgamu, Luca e Grussetu) chi s'arrodu istòrigu est abarradu inghiriadu belle cumpretamente dae sa muralla chi, a bia sua, at mantentu azomài idèntigu s'assempru suo orizinale in su barigare de sos sègulos. Ferrara, cun Pisa e Ravenna, est finas una de sas primas "biddas de su mudìmine" fontomada in sas Laudes de Gabriele D'Annunzio.

Ferrara est sea antiga de universidade (Universidade de sos Istùdios de Ferrara) e sea archipiscamale (Archidiòtzesis de Ferrara-Comacchio). Istranzat tzentros curturales importantes: sa Pinacutega Nassionale de su Palatzu de sos Diamantes, sa sea de sa Fundadura Ermitage Itàlia, su Museu Archeolòzigu Nassionale, su Museu de sa Resurghèntzia e de sa Resistèntzia, su Museu de arte moderna e cuntempurana “Filippo De Pisis”, su Museu de sa Catedrale, su Museu Giovanni Boldini e numerosos àteros museos.

Sa bidda cuntempurana dependent dae un'economia basada in sa produidura agrìcula e industriale chi nde faghent una leada de primu importu gràssias a sa presèntzia de numerosas installaduras industriales in s'arzola de su petrochìmigu e de s'impresa minore e mèdia. Sos setores prus fortes sunt sos de sa chìmiga industriale, de s'indùstria metallùrziga, de s'eletrotènniga, de s'indùstria tèssile e de s'indùstria alimentària. In prus de custu, sas retzas caminale e ferruviària la ponent a intro de su tzircuitu cumertziale tantu rezionale che nassionale gràssias a sa presèntzia de infraistruturas adeguadas che s'Autocaminu A13, su transitadorzu de mercantzias de s'istassione ferruviària e sos transitadorzos portencos ubigados in Pontelagoscuro, chi aunint sa bidda cun su Pou e su Mare Adriàtigu.

Ferrara, addae de custu, est unu de sos pagos sitos italianos in ue s'impreat s'enerzia zeotèrmiga pro sa produidura de aba caente e calore chi alimentat sa retza de telecaentamentu de sa bidda estensa.

Àteros progetos