![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bf/Flag_of_Bosnia_and_Herzegovina.svg/langsc-640px-Flag_of_Bosnia_and_Herzegovina.svg.png&w=640&q=50)
Bòsnia e Erzegòvina
istadu de s'Europa sud-orientale / From Wikipedia, the free encyclopedia
Sa Bòsnia e Erzegòvina ( in bosnìacu, croatu e serbu Bosna i Hercegovina, pronuntziadu [bôsna i xěrt͡seɡoʋina]; in alfabetu tzirìllicu: Босна и Херцеговина), narada fintzas Bòsnia-Ertzegòvina, fatu-fatu est inditada fintzas petzi cun Bòsnia, est unu istadu de s'Europa sud-orientale posta in sa penìsula Balcànica. Sa capitale e prus manna tzitade est Sarajevo.
Artìculu in LSC
![Thumb image](http://upload.wikimedia.org/wikipedia/commons/thumb/b/bf/Flag_of_Bosnia_and_Herzegovina.svg/640px-Flag_of_Bosnia_and_Herzegovina.svg.png)
![Thumb image](http://upload.wikimedia.org/wikipedia/commons/thumb/9/94/Europe-Bosnia_and_Herzegovina.svg/640px-Europe-Bosnia_and_Herzegovina.svg.png)
![Thumb image](http://upload.wikimedia.org/wikipedia/commons/thumb/2/2d/Map_Bih_entities.png/640px-Map_Bih_entities.png)
S'istadu tenet una legisladura bicamerale e una presidèntzia cumposta de tres membros de onniunu de sos tres grupos ètnicos majores. Su pòdere de su guvernu tzentrale est nointames meda allindadu, sende chi s'istadu est fortemente detzentralizadu e partzidu in duas entidades autònomas: sa federatzione de Bòsnia e Erzegòvina e sa Repùblica serba de Bòsnia e Erzegòvina, cun una de tres regiones, su distretu de Brčko, guvernados localmente. Sa federatzione etotu cunsistit de 10 unidades federales - sos cantones.
Atualmente est unu potentziale candidadu a s'intrada in s'Unione Europea e est candidadu a s'intrada in s'Alleàntzia Atlàntica dae su 2010. Est membru de su Cussìgiu de Europa dae s'abrile 2002 e membru fundadore de s'Unione Mediterranea.