Ìnternet
From Wikipedia, the free encyclopedia
Internèt est una retze a atzessu pùblicu chi connetet vàrios aparatos o terminales in totu su mundu. Dae sa nàschida sua rapresentat su printzipale mesu de tzita de massa, chi oferit a s'impitadore un'ampra sèrias de cuntènnidos in manera potentziale informativos e de servìtzios.
Artìculu in LSC
Si faeddat de un' interconnessione globale intre retzes informàticas de natura e de estensione diversa, torrada possìbile de una suite de protocollos de retze comuna mutida "TCP/IP" de su nùmene de sos duos protocollos printzipales, su TCP e s'IP, chi costituint sa "limba" comuna cun cale sos computadores connètidos a Internèts (sos host) sunt interconnessos e comùnicant tra issos a unu livellu superiore in manera indipendente dae sa sutastante architetura issoro hardware e programmas, garantinde gai s'interoperabilidade in sistemas e sub-retzes fìsicas diferentes.
S'abbentu e sa difusione de Internèt e de sos servìtzios suos ant rapresentadu una bera e pròpia rivolutzione tecnològica e sotziu-culturale de sos cumintzos de sos annos noranta (paris a unos àteros imbentos comente a sos telèfonos tzellulares e su GPS) puru unu de sos motores de s'isvilupu econòmicu mundiale in s'àmbitu de s'Information and Communication Technology (ICT).
In cantu retze de telecomunicatzione, comente a difusione est segunda solu a sa retze telefònica generale, finas issa de difusione mundiale e a atzessu pùblicu, ma galu prus "capillare" de Internèt. Custa ùrtima cumpartzit in manera larga sa retze telefònica pro s'atzessu e su trasportu de sos impitadores suos e est destinada, in unu benidore non tropu a tesu cun su megioru de sa tecnologia VoIP, a la remplasare inserrende·la in issu, in cantu basàda in sa prus efficiente tècnica de sa commutatzione de pacchetto.