Àtomu
From Wikipedia, the free encyclopedia
S'àtomu (de su gregu ἄτομος - àtomos -, indivisìbile, unione de ἄ - a - [alfa privativo] + τέμνειν - témnein - [segare]) est un'istrutura in sa cale est, universalmente, organizada sa matèria in su mundu fìsicu o in natura. Prus àtomos formant sas molèculas, mentras sos àtomos sunt issos matessi formados de costituentes subatòmicos cales sos protones (cun càrriga positiva), sos neutrones (cun càrriga nèutra) e sos eletrones (cun càrriga negativa).
Propiedade | ||||||
---|---|---|---|---|---|---|
|
Fiat gai naradu ca in comintzu fiat cunsideradu s'unidade prus minore e indivisìbile de sa matèria (in acòrdiu cun sa dotrina filosòfica de sos filòsofos gregos Leucippo, Democrito e Epicuro nòdida comente a teoria de sa "atomìsmu"). Cara a sa fine de s'Otighentos (cun s'iscoberta de s'eletrone) est istadu dimustradu chi s'àtomu fiat in realidade divisìbile, essende issu matessi assentadu dae partigheddas prus minores, a sas cales nche si referit cun su tèrmine de partigheddas subatòmicas.
Sa teoria atòmica est duncas sa teoria fìsica segundu sa cale totu sa matèria est costituida dae unidades elementares naradas àtomos. Sa teoria atòmica s'àplicat a sos istados de sa matèria sòlidu, lìcuidu e gassosu, mentras est a gherra collegabile a s'istadu de plasma, in cale artziados balores de pressione e temperadura impedint sa formatzione de sos àtomos.