From Wikipedia, the free encyclopedia
Сабунаев Михаил Васильевич — өрөбөлүссүйэниэр, Саха сирин Куттал суох буолуутун кэмитиэтин бэрэстээтэлэ (1917), Сибиирдээҕи уобалас Дууматын дьокутаата (1918-19), сыылынай, быраас үөрэхтээх.
МГУ-га мэдиссиинэ факультетыгар үөрэммит. Ол сылдьан народовлец буолбут (хос аата Лысый - Тараҕай). 1884 сылтан саһа сылдьыбыт. 1886 с. Илин Сибииргэ биэс сылга көскө ыытыллыбыт. 1888 с. күрээн, Приволжьеҕа тиийэн, революционнай тэрилтэни тэрийбит. 1890 с. Костромаҕа тутуллубут. 1892 с. биир сыл хаайыыга хаамыраҕа соҕотоҕун сыппыт уонна уон сылга Илин Сибииргэ сыылкаҕа ууруллан, Саха сиригэр кэлбит. 1899 с. Дьокуускайга Кыһыл Кириэс балыыһатын бырааһа буолбут, фельдшерскэй оскуоланы төрүттэспит.
Олохтоох бэчээккэ элбэхтик суруйара. «Сибирские врачебные ведомости» хаһыакка бэчээттэнэр эбит.
1905 - «Союз мелких торговцев» көмүскүүр миитинин тэрийбит, куорат дууматын олохтоох барыта, тэҥ бырааптаахтык, быһаччы уонна кистэлэҥник таларын модьуйбут.
1906 с. куорат дууматын мунньаҕын ыспыт 200 киһилээх бөлөх тэрийээччитэ. Уобалас суута дьыалатын көрбүт. 1917 с. куорат Дууматын чилиэнэ (гласнай), Куттал суох буолуутун кэмитиэтин (ЯКОБ) бэрэссэдээтэлэ. 1918 —1919 сс. Сибиир уобаластааҕы Дууматын дьокутаата (Томскай к.). 1919 с. кулун тутарыттан Земскэй управа бэрэссэдээтэлин солбуйааччы.
Дьокуускайга урбаанньыт Молотков тиэргэнигэр турар дьиэҕэ, Казарменнай уулуссаҕа олорбута.[1]).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.