Корякин Семен Алексеевич — Саха сирин XX үйэ саҕаланыытынааҕы түмэт диэйэтэлэ, "Якутский край" хаһыат эрэдээктэрэ, Бүлүү сахатыйбыт хаһаактарыттан төрүттээх.
Корякин Бүлүүгэ атыыһыт дьиэ кэргэнигэр төрөөбүт, хаһаак. Духовнай сэминээрийэни бүтэрбит. Бүлүүгэ аҕатыгар атыы-эргиэн дьыалатыгар икки-үс сыл көмөлөспүт. Бүлүү куоратыгар 1905-1906 сс. хас да төгүл өрөбүллээҕи “норуот ааҕыыларын” тэрийэн ыыппыт. 1906 с. олунньуга Бүлүү хаһаактара бэлииссийэ эбээһинэһин толорортон батынаннар, улахан айдаан буолбут. С.А.Корякин бу хамсааһын көҕүлээччитин быһыытынан буруйга тардыллыбыт уонна Дьокуускай куоракка утаарыллыбыт.
"Якутский край" хаһыат үһүс нүөмэриттэн (1907 с. от ыйын 8 к.) саҕалаан, эрэдээктэринэн суруллар. Кини хаһыакка эппиэттиир эрэдээктэр эбээһинэһин таһынан, хонтуора сэбиэдиссэйин, завхоз, кэриэктэр, бэчээттээччи,хаһыаты таҥааччы үлэлэрин толорбут. Эрэдээктэрдиир кэмигэр хас да төгүл хаайылла, ыстарааптана сылдьыбыт. Бүлүү куоратыгар 1917 с. Уопсастыбаҕа Куттал Суох Буолуутун Кэмитиэтин,КОБ (Комитет общественной безопасности) бэрэстээтэлилинэн талыллыбыт. 1919 с. Колчак былааһа сууллубутун кэннэ, эргэ былааска милиисийэҕэ начаалынньыктаабытын иһин тутуллубут. 1920 с. күбүөрүнэтээҕи ревтрибунал уурааҕынан «Бүлүүтээҕи сааҕыбар» кыттыылааҕын быһыытынан таас чох хостуур шаахтаҕа болдьоҕо суох кыһалаҥ үлэҕэ ууруллубут.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
