Кашин Виталий Александрович

Кашин Виталий Александрович (08.03.1946—03.01.2010) — Азия хотугулуу-илинин таас үйэтин чинчийбит учуонай, устуоруйа билимин хандьыдаата.

Олоҕун олуктара

1946 сыллаахха кулун тутар 8 күнүгэр Донецкай уобалас Старо-Млиновка сэлиэнньэтигэр төрөөбүтэ.
1949 с. — төрөппүттэрин кытта Дьокуускайга көһөллөр.
1964 с. — Дьокуускай 9 №-дээх оскуолатын бүтэрээт, ССРС НА Дьокуускайдааҕы филиалын ИКФИиА (билигин Дьокуускайдааҕы билим Киинэ) тэрилтэтигэр техник-наблюдатель үлэтигэр киирэр.
1965 с. — тыл, литература уонна история Институтыгар история салаатыгар, археолог идэтин баһылыыр санааттан, үлэлиир.
1966—1972 сс. — Саха государственнай университетыгар историко-филологическай факультет историяҕа салаатын кэтэхтэн үөрэнэн бүтэрэр.
1972 сылтан — Сэбиэскэй Аармыйа кэккэтигэр сулууспа кэнниттэн, тыл, литература уонна история Институтыгар археология лабораториятыгар үлэтин салҕыыр, Өлүөнэтээҕи археология экспедициятын бөлөхтөрүн уонна этэрээттэрин салайар.
1979—1982 сс. — Новосибирскай куоракка ИИФФ аспирантуратыгар үөрэнэр.
1991—2007 сс. — археология салаатын сэбиэдиссэйэ; аҕыйах ахсааннаах хотугу омуктар кыһалҕаларын үөрэтэр Институт историяҕа, археологияҕа уонна этнографияҕа салаатын старшай научнай үлэһитэ.
1991 с. — устуоруйа билимин хандьыдаатыгар «Палеолит Северо-Восточной Азии (история и итоги исследований 1940—1980 гг.)» тиэмэҕэ, Р. Василевскай салайыытынан, суруйбут диссертациятын ситиһиилээхтик көмүскээбитэ.
2008 с. — гуманитарнай чинчийии уонна аҕыйах ахсааннаах хотугу омуктар кыһалҕаларын үөрэтэр Институт археологияҕа уонна Россия Хотугулуу-Илин омуктарын этническай культураларын салаатыгар старшай научнай үлэһит.
2010 сыллаахха тохсунньу 3 күнүгэр өлбүтэ.

Сигэлэр

Биобиблиографический справочник Архыыптаммыт 2016, Кулун тутар 4 күнүгэр.