From Wikipedia, the free encyclopedia
Ториовцѣ (Tory, множ. Tories) — назва конзервативной партии в Англии, Великой Британии и Споеном кральовствѣ, выступавша в политицѣ од року 1678 и до року 1834. Противна, либерална партия звала ся виговцями.[1]
Ториовцѣ | |
---|---|
Tories англ. | |
Лого партии | |
Основана | 1678 |
Розвязана | 1834 |
Идеология | конзерватизм, монархизм |
Держава | Англия, Велика Британия, Споене кральовство |
Ториовцѣ на Викискладѣ |
Партия ествовала понад 150 рокы. Выступала за интересы краля, аристокрации и великых землепанох. Была владнов партиев в роках 1710–1714, пак в роках 1783–1830. Напротив виговцѣ владли в роках 1714–1760.
Характер партии в ходѣ истории даколько разы мѣняв ся, при тому и представителе противной партии поповняли ей членство.
З партии ториовцьох по розвязаню вывинула ся Конзервативна партия, ей найвецей радикалных членох даколи тыж называють ториовцями.
Назва «Tory» англ. походить з ирского слогана «Tar a Ri», што значить «Прийдь, о, кралю!», англ. Come, oh king![2] В том часѣ остро стояв вопрос о наслѣдникови краля Карла ІІ. (1660-1685), котрый быв бездѣтный и намѣряв передати трон братови, Якубу, герцогови Йоркскому, котрый быв католик. Сам Карел ІІ. снажив ся уровноправнити католикох из протестантами, штовеце, на смертной постели и сам прияв католицтво. Але в протестантской Англии тото снажѣня кральово выволало турбуленции. Ториовцѣ стояли на позиции, же влада краля е од Бога и краль мать неколибиме право ю передати представительови свого рода. В том часѣ «тори» в устах виговцьох была ганлива назывка ирскых (католицкых) збойникох и ребелантох.[2][3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.