Политология, або политична наука, од политика и гр. λόγος logos слово, наука — конарь наукы, штудуючый политичну организацию и политичный живот сполоченства, проблемы внуторной и вонкашной политикы.[1]
Политична наука систематично штудуе владу и владнутя з помочов емпиричных або общых научных методох и анализ. В традицийной дефиниции объектом штудий е штат, его органы и его инштитуции. Авшак сучасна политология значно ширша и обнимать тыж социалны, културны и психологичны факторы, котры взаимно вплывають на владу и политичный организм штату.[2]
Политология меджи иншыма социалныма науками
Политология яко социална наука много позычила собѣ од иншых сполоченскых наук, але ся од них выразно одличуе своим фокусованьом на владу и владнутя.
Хоть политология тыж значно значно перекрывать ся зоз политичнов филозофиов, тоты два поля суть окремы. Политична филозофия занимать ся политичныма идеями и вартостями, яко права, справедливость, слобода и политична повинность (ци мають або не мають люде покоряти ся политичной владѣ), циже политична филозофия занимать ся скорше тым, што мало бы быти, неж тым, што е, а мать рационалистичный приступ ку предмету. Напротив, политология штудуе инштитуции и справованя ся людей и влады, а ей заключѣня або предповѣди суть закладены на емпириных обсервациях.[2]
Жерела и одказы
- Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. ISBN 5-88500-002-6.
- Political science. //Encyclopaedia Britannica.
Референции
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
