Политик — участник политичного живота, особа ангажована в овплывньованю публичных правил и рѣшѣнь.
Етимология
Походить з гр.πολιτικός politikos — державный, публичный.
Характеристикы
Политик мусить мати ораторску и организачну наданость, готовность ку публичному животу, добру ориентацию и розрахунок, схопность объективно шацовати ситуацию, сполуодношѣня конфронтачных интересох и сил.[1][2]
Политичный дѣятель
Обычайно ку категории политикох односять политичных дѣятельох, котры суть активныма и успѣшныма политиками. Политичный дѣятель од шорового политика одличуе ся тым, же достав право принимати политичны рѣшѣня, якоже занимать одповѣдный пост во владѣ або политичной организации в резултатѣ выбраня, именованя, регламенту и т.п.[1]
Политичный лидер
Политичныма лидерами суть найвыникаючы политичны дѣятелѣ, котры суть подля своих особных даностей на высшых позициях во своей политичной силѣ и в сполочности.[1]
Лузан А.: Діяч політичний // Політична енциклопедія. Редкол.: Ю. Левенець (голова), Ю. Шаповал (заст. голови) та ін.— К.: Парламентське видавництво, 2011.— 808 c. ISBN978-966-611-818-2