Латиньскый алфавіт
найповжыванїше писмо в світї / From Wikipedia, the free encyclopedia
Латиньскый алфавіт є найповжыванїше писмо в світї. Розвив ся із западного виду ґрецького алфавіту, пожыченого і управленого Етрусками, чій алфавіт пак быв адаптованый й іщі веце управленый старыма Римлянами про запис латиньского языка.
Латиньскый алфавіт | |
---|---|
Вид: | консонантно-вокалічне |
Языкы: | Спершу латиньскый, языкы Западной и Централной Европы, дакотры языкы Азії, многы языкы Африкы, Америкы, Австралії і Океанії |
Місце взнику: | Італія |
Теріторія: | Спершу Італія, пак вшытка Западна Европа, Америка, Австралія і Океанія |
Дата створїня: | ~700. п.н.е. |
Період: | ~700. п.н.е. доднесь |
Напрям писма: | злїва направо |
Знаків: | 26 |
Похождіня: | Ханааньске писмо
|
Повязаны: | Кіріліця Коптьскый алфавіт Арменьскый алфавіт Руны |
ISO 15924: | Latn |
Бігом Середовіку латиньскый алфавіт быв адаптованый романьскым языкам, прямым потомкам латины, а такой келтьскым, ґерманьскым, балтіцькым ай дакотрым славяньскым языкам, а пак векшинї языків Европы.
В час епохы колоніалізму ся латиньскый алфавіт пошырив за океан і быв уведженый до індіаньскых, австралійскых, австронезійскых, выходноазійскых і африканьскых языків.
В сучасности термін латиньскый алфавіт означує хоцьякый алфавіт, прямо выведеный од алфавіту Латинян. Дакотры такы варіанты не мають вшыткы буквы класічного римского писма (напр. польскый алфавіт) ці доповнюють го новыма буквами (напр. даньскый алфавіт).