Император, од лат. Imperator Велитель, жен. императриця — официалне поименованя пановника империи, зачаточно поуживане в Римской империи, а наступно тыж иншыма пановниками в Европѣ ай инде.[1]
![Thumb](http://upload.wikimedia.org/wikipedia/commons/thumb/e/eb/Statue-Augustus.jpg/640px-Statue-Augustus.jpg)
Первый император Рима
Старовѣкый Рим
Зачаточно была то неофициална титула в Римской републицѣ, котров сенат честовав велителя войска по добытой ним великой побѣдѣ. З часом тоту честну титулу зачали давати свому побѣдному велительови ай воякы. Могло то быти ай веце разы, од числа побѣд.[2]
Зоз теперѣшным вызнамом «пановник империи» первый раз поужив тоту титулу Октавиан Август, хоть в його официалной титулѣ были тыж слова «Император 21 раз». Даякый час тот паралелный военный вызнам продовжовав екзистовати. Але од панованя Тита Флавия Веспасиана, 9. Императора, титула "Император" достала вылучный вызнам «глава Римской империи».[2]
Середновѣк и нововѣк
По падѣ Западной Римской империи (476) титула императора ся захранила на Востоку в Византии, а на Западѣ титулу императора носили переважно пановникы Священной Римской империи (од 962), позднѣйше австрийскы императоры, переважно Габсбургы. На Востоку од року 1721 — российскы императоры. В европской традиции термин император односять и ку монархам дакотрых неевропскых держав.[2][1]
Днешность
Титула императора захранила ся лем в Японии, але не мать она уже старый вызнам.
Жерела и одказы
- Кульчицький С.В.: ІМПЕРАТОР // Енциклопедія історії України: Т. 3: Е-Й / Редкол.: В. А. Смолій (голова) та ін. НАН України. Інститут історії України. — К.: В-во "Наукова думка", 2005. — 672 с.: іл.. ISBN 966-00-0610-1 – С. 452 Одчитане: 2020-06-25 укр.
- Emperor. Encyclopædia Britannica. May 08, 2020. https://www.britannica.com/topic/emperor-title. [перевірено 2020-06-25]. англ.