Дигиталный объектовый идентификатор, англ. Digital object identifier, куртанка: DOI — кодове число, котре незмѣнно и еднозначно идентификуе объект подля меджинародной системы ISO 26324:2012(en), Information and documentation – Digital object identifier system.[1]
Мотивация
Хоснователе Интернета, котры гледають потребный им контент або дотычну информацию, часто суть скламаны, кедь ся укаже, же тот контент або информация уже не суть там, де указуе вебовый адрес (URL). Причина тому може быти физичне перенесѣня объекта на иншый сервер, змѣна штруктуры информации, змѣна властника або инша змѣна. Про то, жебы одстранити такы неприемны заскочѣня од року 2000 зачали про объекты, умѣщованы на вебу хосновати незмѣнны и еднозначны дигиталны идентификаторы DOI, котры через шпециалны службы дають можность дознати ся о актуалном умѣщѣню и станѣ объекта и застачать хоснователям доступ ку нему.[2]
История
Властником регистрованого знака DOI е International DOI Foundation, куртанка: IDF, што е автором и провайдером системы. Розробка ся зачала в року 1998, хоснованя од року 2000, наступно система была даколько разы модернизована, а од року 2012 фунгуе подля меджинародного стандарда. Дотеперь (2021) участниками системы стали ся понад 5000 публикаторох (выдавательства, научны организации, датацентры, филмовы штудии), котры собѣ зарезервовали понад 150 тысяч DOI-префиксох, а на вебу суть в хоснованю 29 милионы куртых DOI-адресох.[3]
Штруктура идентификатора
Идентификатор DOI складать ся з префикса и суфикса, напримѣр:
10.1000/182
де:
10.1000— префикс, в котрому10— тип идентификатора (про DOI теперь все 10.)1000— код публикатора, регистрованый публикатор годен мати еден або вецей кодох
182— суфикс, в котрому код объекта, единечный код регистрованого объекта
Куртый DOI-адрес складать ся з URL провайдера (IDF) и кода DOI, з котрым ся достанеме ку объекту:
- https://doi.org/DOI-код
або
- иншак идеме до провайдера https://doi.org/, а там в шпециалном облачку подаме самый DOI-код
Як то фунгуе...
... найлегше указати на конкретном примѣрѣ. Най гледаме объект, котрого DOI-код ся пише:
Тот нас приведе на статью Чловек, што остал президентом європской республикы о Г. И. Жатковичови, котрой автор П. Р. Магочи (Универзита Торонта, Канада) появив ей в томѣ 16 Рочника Руской Бурсы з року 2020, што го выдав в януарѣ 2021 выдаватель Department of Scientific Journals, Ksiegarnia Akademicka Publishing, Uniwersytet Jagielloński з Кракова. В часѣ публикации тот объект (статья) быв уложеный на вебадресѣ (URL)
Кедь ся в будучности вебадрес з хотьякой причины змѣнить, выдаватель подасть нове умѣщѣня объекта до датабазы провайдера (IDF), а публикация буде и дале доступна под старым DOI-кодом, якбы ани не была пересунута.
Жерела и одказы
- ISO 26324:2012(en), Information and documentation – Digital object identifier system. ISO. https://www.iso.org/obp/ui/#iso:std:iso:26324:ed-1:v1:en. [перевірено 2021-08-26].англ.
- If you use the internet to manage content or information about assets, you can benefit from being driven by DOI. International DOI Foundation. http://www.doi.org/driven_by_doi/DOI_Marketing_Brochure.pdf.англ.
- International DOI Foundation, IDF. May 13, 2021. https://www.doi.org/index.html. [перевірено 2021-08-27].англ.
Референции
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
