горна система в Середнюй Азії From Wikipedia, the free encyclopedia
Тянь-Ша́нь (кырґ. Ала-Тоо, Теңир-Тоо, тадж. Тиён Шон, кіт. спр. 天山山脉, пін. Tiānshān shānmài, русин. транскр. Тяньшань шаньмай, уйг. تەڭرىتاغ, Тәңри тағ, каз. Алатау, Тәңіртау, узб. Tyan-Shan/Tangritogʻ, монг. Тэнгэр уул) — горна система, находит ся в Середнюй Азії на території чотырьох краин: Кырґызстана, Казахстана, Китая (Сіньцзян-Уйгурскый автономный район) тай Узбекістана[1].
|
Тянь-Шань | |
|---|---|
 | |
| Надморска вышка | 7439 м |
| Умѣстнѣня | Китай, Кырґзстан, Казахстан, Узбекістан |
Назва «Тянь-Шань» по-китайськы (天山, транскрипція: [tianshan]) означає «небесні горы», вать «божествені горы» (天 — «небо», «бог» вать «динь», 山 — «гора»). Е.М.Мурзаєв сообщає, шо йся назва ото калка з тюркського "Тенир" («Бог неба») тай "Нишан" («значок»), Тенир-Нишан.
В систему Тянь-Шаня входят слїдуючі орографічеські районы:
Уд Середнього Тянь-Шаня ид западови розходят ся три горні цепі, роздїлені межигорными котловинами (Ісык-Кульська з озером Ісык-Куль, Нарынська, Ат-Башинська и др.) тай скапчані на западі Ферганськым хребтом.
В Восточному Тянь-Шані дві паралельні горні цепі (высота 4—5 тыс. м), роздїлені впадинами (высота 2—3 тыс. м). Характерні высокопудняті (3—4 тыс. м) уровняні поверхності — сырты. Обща площа ледняку — 7,3 тыс. км², самый грубый — Южный Іныльчек.
Протяжнусть Тянь-Шаня з запада на восток складає 2500 км. Альпійська складчастость, останок давнього рувняня поверхності сохранило ся на высоті 3000—4000 м в виде сыртов. Горні хребты сформовані магматичеськыми, котловины — осадочными породами.
Местонароженя ртуті, сурьмы, свинця, кадмія, цинка, срібла, в котловинах — нафта. Рельєф в основному высокогорный, з ледниковыми формами, осыпами выше 3200 м розпросторена многолїтня мерзлота. Є плоскі межигорні котловины (Ферганская, Ісык-Кульська, Нарынська). Клімат континентальный, помірный. Сніжнякы и леднякы.
Рікы удносят ид басейнам внутрішнього стока. Порожисті рікы — Нарын, Чу, Ілі, Тарим, Кызылсу и многі другі. Грубі озера: Ісык-Куль, Сон-Куль, Чатыр-Куль и другі.
Первым європейськым изглядовательом Тянь-Шаня в 1856 годови быв Петро Петрович Семенов, достав за свою роботу почетну приставку ид фамілії — «Семенов-Тян-Шанськый».
В 1840. годы изгляданя Тянь-Шаня з цїлю гляданя вулкану в континентальнуй Азії проводив анґліцькый архитектор и художник Томас Уітлам Аткинсон, котрый описав свої путьованя в книзі, выданов в Лондоні в 1858 годови.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
