Сполоченство (США)

Сполоченство, англ. Commonwealth — понятя, поужите в повных официалных назвах четырьох зоз 50 штатох США: Вирджиния, Кентукки, Массачузетс и Пенсилвания. До рока 1776 тоты штаты, в цѣлости або частьов, были британскыма колониями, зато на них мало силный вплыв английске обще право, што нашло выраз в дакотрых законах и сполоченскых инштитуциях^[1][2].

Суть другы вызнамы, см. Сполоченство (держава).

Червенов указаны четыри штаты США, што мають во своих официалных назвах понятя Commonwealth

Термин сполоченство не додавать жадный шпецифичный политичный статус або шпецифичны правовы одношѣня четырьом штатам, котры го поуживають: они суть ровноправны зоз штатами, котры не мають го во своей назвѣ. Традичный английский термин commonwealth означать политичны сполоченства, основаны з намѣром досягнутя всеобщого блага, и суть хоснованы символично, акцентуючи, же главна задача влады в тых штатах — всеобща злагода и процвѣтаня. Тото мало звыразнити контраст з их скоршым колониалным статусом перед Британсков коронов. Commonwealth — «общый благобыт» або «богатство сполоченства» — се вольне товмачѣня латинского термина res publica (обще дѣло).^[3]