Скрентон (Пенсілванія)

Скрентон — варош у округови Лакавана, штат Пенсілванія, США. Маючи 76,328 душ населеня подля списованя людности у США рока 2020, Скрентон є шестым майнаселеным варошом Пенсілванії.^[1]

Населеный пункт Скрентон (Пенсілванія) Scranton, Pennsylvania Застава Держава СШАСША Регион ПенсілваніяПенсілванія Розлога 66 км² Обывательство 76,328 особ (2020)

Сітка из пяти варошув тай булш ги 40 районув, покладеных у формі прямої линії у самому варошському сердцьови Сіверо-восточної Пенсілванії, културно тай лоґістично фунґує ги єден великый варош, та хоть Скрентон по мірках США є просіковым варошом за своима розмірами, метрополійна територія Скрентон/Вілкс-Бер обсягує пув міліона душ населеня на площи у 780 км² (300 кв. міль). Скрентон/Вілкс-Бер — културный тай економічный центер Сіверо-восточної Пенсілванії, реґіона штата из май булш ги 1.3 міліонами чоловік.

Історія кличкы Скрентона „Електричный варош“ („Electric City“) зачала ся, кой у 1880. рокови было установленоє електричноє освітленя при мануфактурі Dickson. Через шість рокув, у вароши зачали ходити перші в історії США тролейбусы, котрі ся живили сугубо уд електрикы.^[2][3] Превелебный Девід Спенсер, містный баптистськый пастор, пак дав Скрентонови кличку „Електричный варош“.^[4]

Скрентон розміщеный за 124 км (77 міль) на сівер уд Алентавна, 190 км (120 міль) на сівер уд Філаделфії тай за 190 км (120 міль) на сіверный запад уд вароша Ню Йорк.

Історія

XVIII. стороча

У 1778. рокови, у епоху колонізації, Айзек Тріп, знамый ги першый білый поселенець у сих земльох, поклав туй свою хыжу; она и дотеперь стоит на сівері Скрентона, тот район даколи быв окремым варошом, котрый ся кликав Провіденс. Другі поселенці из Конектікутської колонії прийшли сюды пуд конець XVIII. тай на зачаткови XIX. стороч, кой ся кунчила Америцька война за Независимость, бо їхньый штат претендовав на йсю територію у рамках свої колоніалної хартії.

Знамі уроженці

• Джов Байден, 46. президент Споєных Штатув Америкы (2021–днесь), 47. віцепрезидент Споєных Штатув Америкы, сенатор уд Делавера (1973–2009)

У популарнуй културі

A banner promoting Dunder Mifflin, the fictional paper company on NBC's The Office, hangs in downtown Scranton.

• У вароши є папірьова фірма Pennsylvania Paper and Supply Company, котра стала іншпіраційов про скрентонську конару угаданої папірьової компанії „Dunder Mifflin“, указаної у серіалови „Офіс“ (The Office) уд NBC. Ипен скрентонськый офіс став сетінґом про многі епізоды серіала.^[5]

Удкликаня

1. Scranton, Wilkes, Barre Metro Area. Usa.com. Архівна копія з оріґінала зроблена January 2, 2016. https://web.archive.org/web/20160102222510/http://www.usa.com/scranton-wilkes-barre-pa-area.htm. [перевірено October 26, 2015].
2. First Electric Cars Historical Marker. explorepahistory.com. Архівна копія з оріґінала зроблена November 27, 2018. https://web.archive.org/web/20181127234418/http://explorepahistory.com/hmarker.php?markerId=1-A-39E. [перевірено November 27, 2018].
3. Pennsylvania Historical Marker Search. www.phmc.state.pa.us. Архівна копія з оріґінала зроблена March 29, 2018. https://web.archive.org/web/20180329102807/http://www.phmc.state.pa.us/apps/historical-markers.html. [перевірено November 27, 2018].
4. Kashuba, Cheryl A (August 22, 2010). Scranton gained fame as the Electric City, thanks to the region's innovative spirit. Scranton Times-Tribune. Архівна копія з оріґінала зроблена April 14, 2015. https://web.archive.org/web/20150414093835/http://thetimes-tribune.com/news/scranton-gained-fame-as-the-electric-city-thanks-to-the-region-s-innovative-spirit-1.965641. [перевірено April 14, 2015].
5. Craft, Kevin (May 16, 2013). The Thing That Made The Office Great Is the Same Thing That Killed It. The Atlantic. Архівна копія з оріґінала зроблена September 23, 2020. https://web.archive.org/web/20200923074637/https://www.theatlantic.com/entertainment/archive/2013/05/the-thing-that-made-i-the-office-i-great-is-the-same-thing-that-killed-it/275883/. [перевірено May 25, 2020].