російськый боярськый и дворянськый руд From Wikipedia, the free encyclopedia
Рома́новы — російськый боярськый и дворянськый руд, якый носив таку фамілію из кунця XVI. віка. Из 1613. года — династія російськых царю, из 1721. года — російськых імператору.
Пряма голуза рода Романовых на всеросійському престолови претнула ся пусля смертї імператрицї Єлізаветы Петровної 5. януара 1762. года. Согласно її завіщаньови, титул імператора и російськый престол понаслїдував її племяник — сын царівны Анны Петровної и герцога Карла-Фрідріха Гольштейн-Готторпського Карл Петер Ульріх Гольштейн-Готторпськый, принявшый имня Петра III, якого династійный договор признавав членом імператорського дома Романовых.
Первым из рода фамілію Романов став носити Федор Нікітич (патріарх Філарет) в честь свойого нянька Нікіты Романовича и дїда Романа Юрійовича Захаріных. Юрідично члены царської, а тош імператорської родины не носили вообще ни якых фамілій («царь Иван Алексійович», «великый князь Ніколай Ніколайович» и т. д.).
Кроме того, из 1761. года в Росії царювали потомкы сына Анны Петровної и герцога Гольштейн-Готторпського Карла-Фрідріха, які по мужськуй лінії происходили уже не уд Романовых, а уд Гольштейн-Готторпу (май молода голуза Ольденбургської династії, яку знают из XII. віка). У генеалогічнуй літературі представникы династії, зачинаючи из Петра III, носят назву Гольштейн-Готторп-Романовы. Не никаючи на йсе, из XX. віка назва «Романовы» и «Дом Романовых» росширено хосновали для офіціального позначеня Російського Імператорського Дома, герб бояр Романовых быв включеный в офіціальноє законодавство, а в 1913. годови шыроко празновало ся трьохсот гудя дома Романовых.
Пусля 1917. года фамілію Романовых офіціально стали носити (по законам Дочасної влады, а тош в еміґрації) практично всї члены царського дома. Выключеня складают потомкы великого князя Дмитрія Павловича. Ун быв єдным из Романовых, якый признав Кирилла Владимировича імператором у выгнанстві. Женитьба Дмитрія Павловича на Одрі Емері была признана Кириллом морганатичеськым браком члена царського дома, а жона и дїти дустали титул князю Романовськых-Ілінськых. Другі Романовы так само вступили в морганатичеські (из точкы никаня російського закона про престолонаслїдя) бракы, айбо подумали што не треба міняти фамілію.
Тоты даны суть часточно або цалком основаны на перекладї статї Романовы на російскій Вікіпедії.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.