From Wikipedia, the free encyclopedia
Олив Овтмен, анґл. Olive Ann Oatman, *7. септембер 1837, Ла Гарп, Иллинойс – †21. марец 1903, Шерман, Тексас — жена необычайной судьбы зо штату Иллинойс.
Олив Овтмен | |
---|---|
Olive Ann Oatman англ. | |
Прозывка | Spantsa |
Olive Oatman (са.1863) | |
Чинность | индианска рабыня, добродѣтелька |
Горожанство | США |
Уроджѣня | септембра 7., 1837 Ла Гарп, Иллинойс |
Упокоеня | марца 20., 1903 (65 р.) Шерман, Тексас |
Причина смерти | сердцьовый напад |
Похованя | West Hill Cemetery 1855 |
Ошкола | Тихоокеанский университет |
Діти | (2±1) невідоме значення |
Олив Овтмен на Вікіскладѣ VIAF:70616620; GND:120375109; LCCN:n94017398; FAST:335784; BNF:16505612q; OL:OL2142347A;
|
Цѣла ей родина была в 18. фебруара 1851 забита на пути до Калифорнии, коли были атакованы Индианми. Мала тогды штырнадцять рокы. Напад пережыли въедно зоз молодшов сестров Мери Енн aй братом Лорензом, котрого лишили нападници на мѣстѣ меджи тѣлами забитых, бо собѣ думали, же е мертвый. Дѣвкы одвели до заятя, жебы им служили як рабынѣ. Позднѣйше была Олив продана до другого индианского племена Могаве яко невѣста, де ся ку ним лѣпше односили. При свадьбѣ достала синий татуаж на бороду, котрый ей скалѣчив тварь. В року 1855 наслѣдком слабого уроджая, ей сестра умерла з голоду.[1][2]
В зимѣ 1855-56, коли Лорензо уж довго глядав свою сестру, америцке войско отримало справу, же меджи Индианми жие бѣла жена. З крѣпости Форт Юма загнали гонця меном Франциско до села Индианох, жебы догварив одкупѣня Олив. По довгых догварянях 28. фебруара 1856 удало ся ю одкупити, а по 5 рокох заятя ся ей подарило достати на слободу и вернути ся меджи бѣле сполоченство.[1][2]
История о трагичной судьбѣ родины Овтменовых и животѣ Олив меджи Индианми резоновала еще довго в америцком сполоченствѣ ай стала ся так иншпирациев про многы статьи в новинах, книгы, ей властны мемоары и повѣданя. Были о том накручены ай граны филмы, котры але не суть згодны з реалныма фактами. З гонорарох, котры достали за права тых публикаций, Олив и Лорензо выплатили свои штудии на Тихоокеанской универзитѣ. В новембрѣ 1865 Олив ся побрала з Джоном Ферчайлдом, в року 1876, не маючи властных дѣтей, адоптовали новороджену дѣвочку Меми. Ферчайлд, бывшый скотарь, зробив карьеру в Шерман, Тексас, де быв президентом City Bank и торговав поземками. Олив жила закрытым животом, не любила говорити о минулости, занимала ся добродѣтельством на хосен сирот. Умерла на сердцьовый напад 20 марца 1903, во вѣку 65 рокы.[1][2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.