Нижное Болотное

Нижное Болотное, укр. Нижнє Болотне — село Закарпатской области Украины. До року 2020 административно належало ку Иршавскому району, од року 2020 — ку Хустскому, одтогды тыж припадать ку Зарѣчанской сельской громадѣ з центром в Зарѣчу, до котрой належать тыж села Гребля и Ольховка.

Село Украины Нижное Болотное Давны назвы Нижний Шард, до 1946 Держава УкраинаУкраина Область ЗакарпатскаЗакарпатска Еврорегион Карпаты Териториална громада Зарѣчанска[1] Координаты 48.266389, 23.09548°15′59″ с. ш. 23°05′42″ в. д.48.266389° с. ш. 23.095° в. д. (G) (O) (Я) Розлога 2,73 км² Надморска вышка 152 м Обывательство 1278 особ (2001) Часова зона UTC+2, влѣтѣ UTC+3 Телефонный код +380-3144 Поштовый индекс 90142 КОАТУУ 2121986402 Нижное Болотное

Полога

Лежить на сѣверных обочах Севлюшского пасма, котре входить до Вигорлат-Гутина. Тутешны грунты суть вгодны про винницѣ. Село лежить на вливѣ потока Шард(ик) до потока Берберка, што припадать ку лѣвобережному базену Боржавы.

История

Первый раз упомянуте в року 1351. В словнику Елека Финьеша (1851) упомянуте в парѣ з Вышным Шардом (дн. Широке), же оба села суть русинскы, належать до Великосевлюшского панства, але Нижний Шард мать май уроднѣйшы землѣ и красны лѣсы.^[2] Подля урбарскых документох властниками тых земель в жупѣ Угоча быв род Перенѣ и, часточно, Телеки.^[3]

В року 1910 Нижний Шард, мад. Alsósárad, мав 629 обывательох, меджи котрыма были: 536 Русины, 83 Нѣмцѣ, 5 Мадяре; подля вѣры 540 грекокатилици и 89 израелиты.^[4]

В року 1930 Нижний Шард, чеш. Nižní Šard, мав заевидованы 728 обывателе: 670 Русины, 50 Евреи, 2 Чехы и Словаци, 6 чужоземцѣ. Грекокатолицка громада числила 673 вѣрникы а мала муровану церкву Св. Михайла од року 1864 и церковну русинску школу (една класа).^[5]

Од добы УССР Нижний Шард, перейменованый на Нижное Болотное,^[6] административно быв в Иршавском районѣ, котрый од року 2020 инкорпорованый Хустскым районом.

Вызнамны родаци

• Юрий Станинець (1906–1994), священик, писатель.

Жерела и одказы

• A történelmi Magyarország atlasza és adattára 1914 ISBN 963 85683 3 X мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Облікова картка Нижнє Болотне на сайті Верховної ради України (по украинскы). http://gska2.rada.gov.ua/pls/z7503/A005?rf7571=11213. [перевірено 2021-09-07].
• Указ Президії Верховної Ради УРСР від 25.6.1946 «Про збереження історичних найменувань та уточнення … назв … Закарпатської області» — Вікіджерела. uk.wikisource.org. https://uk.wikisource.org/wiki/Указ_Президії_Верховної_Ради_УРСР_від_25.6.1946_«Про_збереження_історичних_найменувань_та_уточнення_…_назв_…_Закарпатської_області». [перевірено 2021-09-07].

Референции

1. Облікова картка
2. Alsó- és Felső-Sárad. Arcanum. https://www.arcanum.com/hu/online-kiadvanyok/Lexikonok-magyarorszag-geografiai-szotara-fenyes-elek-BABC3/s-BCE9A/also-es-felso-sarad-BCEFB/. [перевірено 2021-09-08].мад.
3. Alsósárad (UGOCSA). Urbarium of 1767. https://archives.hungaricana.hu/en/urberi/ugocsa-alsosarad/?list=eyJxdWVyeSI6ICJNRUdZPVVHT0NTQSJ9. [перевірено 2021-09-08].
4. A történelmi Magyarország
5. Достал, Ярослав, сс. 208–209.
6. Указ Президії Верховної Ради УРСР від 25.6.1946