Наука — тыждньова новинка, котра выходила в Унгварѣ в роках 1897-1914 и 1918-1922 як официалный орган Общества Св. Василия Великого, а од року 1902 его правного наступника акциового общества УНІО.
| Наука | |
|---|---|
 | |
| Держава | Мадярске кральовство |
| Язык | русинскый |
| Едиция | тыжденник |
| Выдаватель | Общество Св. Василия Великого Выдавательство АО УНІО (1902) |
Датум появы |
1897-1914, 1918-1922 |
| Тип медиа | полиграфия |
| Сторон | 4 |
| Наука на Викискладѣ | |
Обсяг и редакция
В роках 1911-1912 выходив додаток Село. Додаток, як и сама новинка выдавали ся русинскым бесѣдным языком, хоть и не докус чистым. В новинцѣ была секция Духовна жизнь, секции Допись и Бесѣда, де печатали ся писма читательох, творы малой прозы, розличны житьовы и газдовскы порады, рубрикы новин зо свѣта и з краю (Что нового в свѣтѣ?, Что чувати дома?), переписка редактора, реклама. Новинка давала знати читателям о важных подѣях в културном животѣ. Напримѣр, Иоанн Поливка, воззывать ся ку читателям, просячи присылати ему хоть по 1-2 верши А. Павловича, кедь дакто мать, хоть в переписаню, бо он хоче выдати зборник.[1] Там же ся вѣстить, же вышов словник Е. Кубека.[2]
Новинка держала ся мадярского патриотизма. Головными редакторами поступно были Юлий Чучка, Василь Гаджега и Августин Волошин (по року 1903).
Научны материалы
Новинка подавала статьи мѣстных ученых Гиадора Стрипского, Антония Годинкы, Юрия Жатковича на темы русинской истории и културы.
Пропаговали ся и карпатознательскы выданя, котры выходили в заграничу (Л. Явдик, А. Васильев, А. Л. Петров).
Павза и обновлѣня
Наука не выдавала ся в часѣ Первой свѣтовой войны, а обновила ся в юну 1918. По принятю закона о автономии Руськой Крайны новинка змѣнила свою назву на Руська Крайна (януар-септембер 1919). Вернула собѣ стару назву по скрахованю Угорской Совѣтской Републикы, а з ньов и Руськой Крайны. Выдавала ся до року 1922.
Жерела и одказы
- Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. ISBN 978-966-387-044-1. С. 527.
- Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. ISBN 966-7838-23-4. С. 270.
Референции
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
