Научне товаришство Шевченка (куртанка: НТШ) — перва украинска академична организация, створена року 1873 во Львовѣ, и насилно роспущена в року 1940, по окупации региона СССР, была обновлена в Западной Европѣ и в США в року 1947, а в року 1989 и в Украинѣ. Товаришство спонзоруе конференции и лекции, придѣлять гранты на выгледованя и выдавать научны роботы, наймя в области украинистикы.[1]
Зачаточна назва инштитуции была — Товаришство Шевченка, укр.Товариство ім. Шевченка, а подля штатуту членами могли быти лем Галичане.[2] Посланя товаришства было вольно «розвивати руську (малоруську) словесность» поза засягом российскойцензуры. Купили книгопечатню и выдавали книжкы. Выходили часописыПравда (1878–1879) и Зоря (од 1885). На чолѣ были:[3]
Корнило Сушкевич (1873–1885)
Сидор Громницкый (1885–1887, 1889–1891)
Демян Гладилович (1887–1889, 1891–1892)
Юлиан Целевич (1892–1893)
1893–1914
Товаришство перемѣнило назву и штатут и зачало ся занимати и научныма дисциплинами. Были створены секции филологична, историко-филозофична и математично-природописно-медицинска. Выходили множествены научны зборникы и материалы секций.[4] Меджи нима головное мѣсто мали Запискы НТШ, што вышли первым рочником ещи в року 1892. На чолѣ были:[3]
Олександр Барвинскый (1893–1897)
Михайло Грушевскый (1897–1913)
Степан Томашовскый (1913–1915, формално до 1918)
1915–1939
В часѣ российской окупации (1914–1915) чинность НТШ была заказана, пак под польсков владов гамована. НТШ стратило свою ведучу позицию перед Академиев Наук в Киевѣ. На чолѣ были:[3]
Василь Щурат (1919–1923)
Кирило Студинскый (1923–1932)
Володимир Левицкый (1932–1935)
Иван Раковскый (1935–1940)
1940–1947
В септембрѣ 1939 по совѣтской окупации Галичины чинность НТШ была перервана, а 14. януара1940 организация была ликвидована, а на ей базѣ створена филиалка Академии Наук УССР. Музейны и книжны фонды были переданы державным музеям и библиотекам. Под нѣмецков окупациев НТШ не было обновлене.[3]
1947–1989
Члены зликвидованого НТШ на емиграции поступно обновляють организацию в диаспорѣ:[5]
21. октобра1989 обновило ся НТШ у Львовѣ, котре в року 2010 мало понад 2600 члены, меджи нима 192 — рядны члены и 9 — честны члены.[5] На челѣ обновленого НТШ у Львовѣ стали:[2]
Ковалів Ю. І.: Наукове товариство імені Шевченка //Літературознавча енциклопедія: у 2т. — Київ: ВЦ«Академія», 2007. — Т.2: М–Я. — С.107. Доступне онлайн. Одчитане 2021-04-29укр.
В. Кравців, В. Кубійович: Наукове Товариство ім. Шевченка //Енциклопедія українознавства / словникова частина 5 Paris — New York: „Молоде Життя“, 1966 сс. 1171–1713укр.