лемковскый учитель и сполоченскый дѣятель From Wikipedia, the free encyclopedia
Мето́дий Трохано́вскый, *5. май 1885, Билцарева, Лемковина – †15. фебруар 1948, Вроцлав, Польща — лемковскый учитель и сполоченскый дѣятель.[1][2]
| Методий Трохановскый | |
|---|---|
 | |
| Чинность | лемковскый учитель, сполоченскый дѣятель |
| Горожанство | Польско |
| Етнос | Помилка Lua у Модуль:Wd у рядку 2006: attempt to concatenate a nil value. |
| Уроджѣня | мая 5., 1885 |
| Билцарева, Лемковина | |
| Упокоеня | фебруара 15., 1948 (62 р.) |
| Вроцлав (Польско) | |
| |
Методий Трохановскый уродив ся 5. мая 1885 в Билцаревой на Лемковинѣ. По скончѣню учительской семинарии в Короснѣ, учительовав в селѣ Угрин. В року 1913 оженив ся з Констанцийов Дуркот, дѣвков вызнамного русинского дѣятеля, грекокатолицкого священика, о. Йоана Дуркота.[3]
Яко член и активиста русофилскых организаций быв 4. августа 1914, при зачатку войны арештованый и в числѣ еще иншых шестерох активистох засудженый на смерть за «русофилску пропаганду и провокованя бунта» и высланый до интерначного лагра Талергоф. В яри 1917 император Карл I. Габсбург амнестовав засудженых на смерть и замѣнив им кару на доживотный арешт. По роспадѣ Австро-Мадярской империи вернув ся на Лемковину и быв активным участником руху за Лемковску републику Флоринкы. Пропаговав лемковскый диалект як учебный язык, створьованя лемковскых финанчных кооперативох, домогав ся, жебы Лемкы мали свого посланця в парламентѣ, быв сполузакладательом Лемко-Союза (1933).[3]
Своев активностьов зыскав собѣ в очох польской влады репутацию «руського фанатика», и влада ся од року 1936 зачала одвертати од подпорованя лемковского школства, посылаючи там на учительскы мѣста Полякох.[2][1] В року 1938 влада заказала хоснованя букваря Трохановского в школах, а нич не помогли ани протесты и депутации до Варшавы.[4]
По нацистичной окупации Польщи окупачна влада, котра, як то было и в часѣ Первой свѣтовой войны практиковала антирусинскы репресии, зачала арешты подля списку, поданого украинскыма дѣятелями. В том списку быв и Методий Трохановскый, а быв арештованый в день зачатку войны з СССР, 21. юна 1941 а до конця нѣмецкой окупации быв интернованый. В року 1944 по приходѣ Червеной армады быв зась арештованый, тот раз органами НКВД. Наступно быв высланый з родинов до Вроцлава, де онедовго, 15. фебруара 1948, умер.[2][1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
