Королево

Королево — мѣстечко (од року 1947) бывшого Виноградовского района^[3] Закарпатской области Украины.^[4]

Мѣстечко Украины Королево укр. Королеве Аерофото Королева од сѣверовыходу: в позадю Чорна Гора, за котров лежить Виноградово Держава УкраинаУкраина Еврорегион КарпатыКарпаты Область Закарпатска Громада Королевска Координаты 48.153889, 23.13305648°09′14″ с. ш. 23°07′59″ в. д.48.153889° с. ш. 23.133056° в. д. (G) (O) (Я) Надморска вышка 146 [1] м Обывательство 8064[2] особ (2001) Часова зона UTC+2, влѣтѣ UTC+3 Телефонный код +380 3143 Поштовый индекс 90332 КОАТУУ 2121255600 Королево

Административа

Орган администрации^[2]укр.

Королівська селищна рада

90332, Закарпатська обл.,

Виноградівський р-н,

смт. Королево, вул. Злагоди, 1

тел. [phone]

Од року 2020 створена Королевска громада, до котрой входять (окрем Королева) ещи 8 сел.

Полога

Лежить на лѣвом березѣ Тисы, о 10 км на выход од районного центра.^[4]

История

Перва документована исторична упоминка походить з року 1262,^[4] (яко Domus Regalis, од року 1355 — Királyháza, циже Корольова хыжа).^[5]

В року 1872 через село прокладена желѣзниця Чоп–Сигет.^[1]

В року 1910 зоз 3167 обывательох были 2224 Мадяре и 932 Русины. До Трианона Королево належало ку Затисянскому округу (Tiszántúli járás) жупы Угоча.^[5]

По Трианонѣ, в року 1930, Королево, чеш. Královo nad Tisou, мало 4608 обывательох, з того: 2570 Русины, 967 Мадяре, 485 Чехы и Словаци, 429 Евреи, 13 Нѣмцѣ, 143 чужоземцѣ, еден неозначеный. Школы: горожанка мѣшана (2 класы русинскы, 1 кл. чешска); народна мѣшана (4 кл. русинскы, 3 кл. мадярскы); народна чешска (5 кл.); римокатолицка мадярска (1 кл.). Державны уряды: нотарскый, жандарскый, даньовый, цолный («финанцы»), пошта-телеграф-телефон. Транспорт: желѣзнична штация, найдовжый в Чехословакии деревляный мост (через Тису, 485 м), бензинпумпа.^[6]

В часѣ Другой свѣтовой войны Евреи и Цигане были депортованы, по войнѣ часть вернула ся. Теперь ромска громада числить 1600 особ (20% обывательства). В добѣ УССР в Королевѣ добывали буре угля (1949–1969), были отворены виноробне дружство, шутровый камѣнолом (од 1956), Затисянскый хемзавод (од 1962), филия Луганской дизеллокомотивной фабрикы (од 1968), выбудовали и реконштруовали 220 домы, нову середню школу (1978), двѣ дѣточы захоронкы, 20 торговых точок и 5 заряджѣнь масового стравованя.^[1]

Жерела и одказы

• A történelmi Magyarország atlasza és adattára 1914 ISBN 963 85683 3 X Доступно онлайн мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Федака Сергій. Населені пункти і райони Закарпаття. Історично-географічний довідник. "Ліра". Ужгород, 2014. ISBN 978-617-596-158-2 Доступно онлайн укр.
• Облікова картка Королева. Верховна Рада України. http://w1.c1.rada.gov.ua/pls/z7503/A005?rdat1=20.10.2003&rf7571=11078. [перевірено 2020-11-17]. укр.