From Wikipedia, the free encyclopedia
Комунистична партия Закарпатской Украины, укр. Комуністична партія Закарпатської України — марксистично-ленинска партия, створена 19.11.1944, яка заграла основну ролю в организации «возъеднаня Закарпатской Украины» з Совѣтсков Украинов, по чому заникла (1946).
Комунистична партия Закарпатской Украины | |
Застава КПЧ | |
Предходник | КПЧ |
---|---|
Наступник | ВКП(б) |
Взник | 19. новембер 1944 |
Заник | 22. януар 1946 |
1-й секретарь ЦК | Иван Иванович Туряниця |
Первы комунистичны организации в Подкарпатской Руси появили ся в конци року 1918 як бунькы комунистичной партии Мадярщины.[1]
В марцу 1920 на их основѣ створила ся Межинародна социалистична партия Подкарпатской Руси, яка вошла в комунистичну партию Чехословакии (КПЧ), як ей краева организация. В роках 1939–1944 фунговала илегално в глубоком скрытю.[1]
По выслободжѣню края од нѣмецько-мадярскых фашистох 19.11.1944 в Мукачовѣ одбыла ся Перва партийна конференция, котра оформила утворѣня комунистичной партии Закарпатской Украины.[1] В чолѣ партии стояв Иван Иванович Туряниця.[2] Партия грала основну ролю в организации «возъеднаня Закарпатской Украины» з Совѣтсков Украинов. Иван Иванович Туряниця став неодовго тыж у чоло Народной Рады Закарпатской Украины, законодарного и екзукутивного владнучого органа новоствореной державной формации Закарпатска Украина.
29.06.1945 Чехословакия «по приятельской згодѣ сторон» одступила Подкарпатску Русь, котра теперь уже называла ся «подля волевыявлѣня обывательства» Закарпатска Украина, другой сторонѣ — СССР, неодовга обѣ стороны законодарно ратификовали договор. 15. децембра 1945 рѣшеньом ЦК ВКП(б) Комунистична партия Закарпатской Украины стала ся частьов ВКП(б).[1] 22.01.1946 марионеточна державна формация Закарпатска Украина московскыма пановниками была перетворена в Закарпатску область УССР,[2] без жадного народного волевыявлѣня, ани консултованя з представителми «владнучой» Народной Рады. В ситуации, коли заникла Закарпатска Украина, автоматично заникла и комунистична партия Закарпатской Украины: на ей базѣ была створена областна организация ВКП(б).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.