From Wikipedia, the free encyclopedia
Йосип Броз Тито (сербскохорв. Јосип Броз Тито, Josip Broz Tito), родж. Йосип Броз (сербскохорв. Јосип Броз, Josip Broz), *7. май 1892, Кумровец, Хорватия, Австро-Мадярщина – †4. май 1980, Любляна, Югославия) — югославскый политик, премьер (1945–1953) и президент (1953–1980).[1][2][3]
| Йосип Броз Тито | |
|---|---|
 | |
Президент Социалистичной Федеративной Републикы Югославии | |
| Во функции: | |
| 14. януар 1953 — 4. май 1980 | |
| Предходник | Иван Рибар |
| Наступник | Лазарь Колишевски |
Премьер Социалистичной Федеративной Републикы Югославии | |
| Во функции: | |
| 29. новембер 1945 — 14. януар 1953 | |
| Наступник | Петар Стамболич |
Предсѣдатель Союза комунистох Югославии | |
| Во функции: | |
| марец 1939 — 4. май 1980 | |
| Предходник | Милан Горкич |
| Наступник | Бранко Микулич |
Генералный секретарь Неблокового руха | |
| Во функции: | |
| 1. септембер 1961 — 5. октобер 1964 | |
| Предходник | новый пост |
| Наступник | Гамал Абдел Насер |
| Уродив ся | мая 7., 1892 Кумровец, Хорватия, Австро-Мадярщина |
| Умер | мая 4., 1980 (87 р.) Любляна, Югославия |
| Назывка | Тито Валтер |
| Народность | Югославян |
| Политична партия | Комунистична партия Югославии |
| Отець | Франьо Броз |
| Мати | Мария Броз |
| Супруга | Йованка Будисавлевич (од 1952) |
| Дѣти | Златица Броз Гинко Броз Жарко Броз Александер Броз |
| Шаржа | маршал |
| Вѣра | атеизм |
| Награды | 98 меджинародных 21 югославскых |
Походив зоз селянской родины. В Первой свѣтовой войнѣ яко вояк австро-мадярского войска трафив до русского заятя (1915). В России в року 1917 быв участником револучных акций и прилучив ся ку болшевиком. В року 1920 вернув ся до Хорватии и став ся там локалным лидром Комунистичной партии Югославии. Поступовав регуларно по гарадичох партийной ерархии, окрем рокох 1928–1934, коли сидѣв в арештѣ, и наконець, в року1939 став ся генералным секретарьом партии. Около року 1935 взяв собѣ псевдоним: Тито. В часѣ Другой свѣтовой войны Тито указав ся ефективным лидром югославскых партизанох. Яко маршал од року 1943 змоцньовав комунистичну контролу над Югославиов. Яко премьер и президент вывинув независиму од СССР форму социализма, держав ся неблоковой политикы и утримовав добры односины зоз западныма державами. В Югославии уставив систем «симетричного федерализма» (1974), котрый вытворив ровноправность меджи шѣстьма републиками и автономныма областями Сербии (в их числѣ Косовом), захранивши при том тверду контролу на предбѣгнутя сепаратистичных рухох. По его смерти федеративный систем не удало ся утримати.[1][2][3]
Титова независима политика в значной мѣрѣ приспѣла ку тому, же Русины в Югославии не были репресованы, достали омного векшу слободу и можность културного и просвѣтного народностного вывоя. В Руском Керестурѣ главна улица — маршала Тита, а в селѣ му поставленый памятник з надписом по русинскы:
Друже ТИТО
ми ци пришагаме
же на твоєй
драги оставаме
В року 1943 нѣмецка окупачна влада выголосила лапачку на Йосипа Броза Тита и награду 100 тысяч райхсмарок золотом за пристачѣня «комунистичного вождя Тита, живого або мертвого». Подля злобного текста выголошкы Тито «злочинець, болшевицкый агент, осквернитель Церкви, крадош и збойник з дорогы, опасный бандит, котрый быв вышколеный в испанской домовой войнѣ и в Совѣтской Унии, де собѣ освоив вшиткы терористичны методы ГПУ».
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
