електрично набита частиця From Wikipedia, the free encyclopedia
Йон — електрично набита частиця, котра взникла зоз електрично невтралного атома вадь молекулы доданьом авадь однятьом електронох при захованю сталого числа протонох.
Йоны первый раз спомянув Майкл Фарадей около року 1830, коли описовав частицѣ, котры ся рухають ку катодѣ або анодѣ.
Слово йон походить од грецкого ἰόν, што е невтралный часопридавник теперѣшного часу од ἰέναι, "ити", значить "котрый иде". И так, анион, ἀνιόν, и катион, κατιόν, значить "котрый иде горѣ" и "котрый иде долов", одповѣдно, и анода, ἄνοδος, и катода, κάθοδος, значить "путь горѣ" и "путь долов", од ὁδός, "путь".
Кедь атом стратить електрон, стане ся катионом (позитивным йоном). Кедь число електронох буде высше од числа протонох, з атома ся стане анион (негативный йон).
Йоны ся означують записаньом хемичного знака частицѣ (елемента, або молекулы), причом величину набоя записують горѣ як индекс справа од знака: Al3+, Cl−, SO42−, Co2+, [Fe(CN)6]3−...
Йоны не суть стабилны а усилують ся перейти до електрично невтралного стабилного стану. Екзистенция йонох може быти удержована высоков теплотов (напр. в плазмѣ), або стабилизованьом в ростоку (напр. водном ростоку соли). Доказом екзистенции йонох е електрична проводность плазмы и ростокох.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.