From Wikipedia, the free encyclopedia
Диктатор, лат. dictator, „тот, што розказуе“, быв в Римской републицѣ надзвычайный политичный уряд (magistratus extraordinarius) з неограниченыма оправнѣнями, але котрый мог быти поставленый лем в зложеных политичных ци военскых обстоянях. До компетенции того уряду належали вылучны задачи, котры были за границями оправнѣнь обычайных магистратох. Диктатор быв официално именованый magister populi („людовый велитель“), praetor maximus („найвысшый претор“), magister peditum („командант инфантерии“). Про зряджѣня уряду диктатора было потребне постановлѣня римского сенату (senatus consultum), котрым мав быти еден з римскых конзулох повѣреный на тот уряд. Диктатор быв единый римскый урядник, про котрого не были платны законны засады колегиалности (окончованя уряду даколькыма особами едночасно), каденции (оправнѣня на ограничену добу) и одповѣдности (по скончѣню каденции не мог быти одповѣдный за чины з добы окончованя уряду). яко найвысшый урядник понад вшиткыма иншыма быв допроводжаный 24 ликторами.[2]
Надзвычайна магистратура диктатора, подля античных историкох, ся появлять уже в зачатках Римской республикы, од V. стороча до н. е.[3] Оправнѣня диктатора были ограничены шѣстьма мѣсяцями,[4] што векшинов ай было додержане, окрем послѣдных диктаторох, Корнелия Суллы и Гая Юлия Цезаря, котры завели титул dictator perpetuo (вѣчный диктатор). Термин оправнѣнь мож было продовжити, аж наконець Цезар достав диктаторскый уряд на 10 рокы и доживотно, але скоро по тому (44 до н. е.) зостав забитый, того ж року уряд диктатора быв скасованый.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.