персийскый поет-містик From Wikipedia, the free encyclopedia
Джами, властным меном Абд-ер-рахман Нур-ед-дин Ибн Ахмед, *7. новембер 1414, Джам, Хорасан – †9. новембер 1492, Герат, Хорасан (дн. Афганистан) — вызнамный персийскый поет, писатель, филозоф.[1]
Джами | |
---|---|
Абд-ер-рахман Нур-ед-дин Ибн Ахмед | |
![]() | |
Чинность | поет, писатель, теоретик музики, филозоф |
Сфера | філозофія |
Горожанство | імперія Тимуридів |
Уроджѣня | новембра 7., 1414 |
Джам, Хорасан (дн. Афганистан) | |
Упокоеня | новембра 9., 1492 (78 р.) |
Герат, Хорасан (дн. Афганистан | |
Діти | Зия-ад-Дин Юсуф |
Язык творов | перьскый |
![]() VIAF:90042997; GND:119077884; LCCN:n79068673; FAST:37983; BNF:119040224; NLKR/NLC:jn20010601223; OL:OL4285948A; Ту можуть быти податкы з Wikidata, не контролованы авторами статѣ |
Быв дервиш[1] и сын дервиша. Еще за свого живота быв повсемѣстно вызнаный найвекшым поетом свого часу в могамеданском свѣтѣ.[2] Слава Джами была так гучна, же персийскый султан Абу-Саид позвав го ку свому двору до Герату, а там Джами зостав и при далшом султанѣ.[1]
Литературне имя собѣ взяв од мѣста роджѣня. Быв необычайно многосторонный, писав прозов и вершом, або их комбинациов, з обсягом филологичным, мистичным и теологичным. Яко поет ся освѣдчив майстерныма романтичныма и лиричныма вершами, панегириками, сатирами ай мистиков.[3]
Джами, сам низкого походжѣня, любив ся стыкати з простым людом; зо свого боку, народ обожав поета. В день його смерти цѣлый город понорив ся в жалобу. На росказ султана, поету-дервишу учинили препышный похорон.[1]
В истории персийской литературы Джами завершив собов цѣлу так звану «класичну епоху». Новых мотивох у нього нѣт. По концю монголской добы и походох Тимура настав период стагнации в цѣлом исламском свѣтѣ. В спокойной културной атмосферѣ Герата, было природне збилансовати богату литературну минулость. Шлайфованя формы, доходяче до края цифрованости, гладкость стиха, твердость ритма и богатство римы, комбинация реализма зоз символизмом — тото суть основны черты Джамиового штила.[2]
Найвекшу поетичну славу принесла му поема зоз семи части Гефт овренг (Сѣмка тронох), за числом звѣзд Великого Воза. Една часть, Лейла и Меджнун подобна своим обсягом на Ромеа и Юлию.[1]
В 75-рочном вѣку написав свое славне дѣло Бегаристан (Ярна загорода) писане прозов з доданьом вершох, характеру морализаторского, обсягуюче анекдоты, сентенции, филозофованя, биографии, окреме в передпослѣдной части пише о персийскых поетах.[3] Тото дѣло написав на поуку свому сынови.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.