карпаторуськый лингвиста, етнограф, педагог From Wikipedia, the free encyclopedia
Георгий Юлианович Геровскый (*6. октобер 1886, Львов, Австро-Мадярщина — †5. фебруар 1959, Пряшов, Чехословакия) — карпаторуськый лингвиста, етнограф, педагог. Внук Адолфа Добрянского, брат Алексея Геровского.
|
Георгий Геровскый | |
|---|---|
| Георгий Геровскый | |
 | |
| Уроджѣня | Георгий Юлианович Геровский русс. октобра 6., 1886 Львов, Австро-Мадярщина |
| Умертя | фебруара 5., 1959 (72 р.) Пряшов, Чехословакия |
| Погреб | Пряшов, Словакия |
| Занятя | лингвиста |
| Язык творох | русскый, чешскый |
| Едукация | доктор филологии |
| Alma mater | Братиславска универзита |
| Час творбы | 1924-1959 |
| Темы | карпаторуськый язык |
| Брат, сестра | Алексей Ґеровскый |
| Свояк(ы) | Помилка Lua у Модуль:Wd у рядку 2006: attempt to concatenate a nil value. |
| Вызначны роботы | Язык Подкарпатской Руси |
| VIAF:16841679; LCCN:no98066656; NLKR/NLC:js2016903153; OL:OL5391521A; GKG:/g/121r2c7f;
| |
Георгий Геровскый родив ся *6. октобра 1886 во Львовѣ, Австро-Мадярщина. Отець му быв адвокат Юлиан Геровскый (†1910), русофил, посланець австрийского парламента, а мати — дѣвка Адолфа Добрянского, Алексия Геровска (родж. Добрянска, 1857–1916). Дѣдо му, А. Добрянскый, обвиненый з русофилства, по арештѣ и судовом процесѣ року 1882 мусѣв лишити Львов и жив тогды во Вѣдню. Тета му, Олга Грабарь (родж. Добрянска), старша сестра матери таксамо лишила Львов и емигровала до России. Року 1887 и родина Геровскых переберать ся в Иннсбрук, де отець достав роботу, а до них переходить и дѣдо, котрый там жие з нима до конця живота под полицайным дозором, без права вернути ся до Галичины и Подкарпатской Руси.[1]
Курз школы и гимназии Георгий Геровскый учив ся по нѣмецкы, а завершив гимназию уже в Черновцях, куды родина перебрала ся року 1895. Славянску филологию учив ся на Черновецкой универзитѣ (1907–1909), продовжив на Лайпцигской универзитѣ (1919–1911), а закончив на Харьковской универзитѣ (1917), де наступив до ашпирантуры. Ступень доктора зыскав позднѣйше на Братиславской универзитѣ.[2]
Георгий Геровскый навщивляв Подкарпатску Русь в рр. 1903 и 1913–1914, въедно з братом Алексеем, и были два раз арештованы и обвинены з русофилской, православной и антидержавной агитации.[3] Тоты обвинѣня не были необгрунтованы: братя агитовали против грекокатолицкой церкви, за навернутя до православия и организовали выуку православных монахох в России, Румынии и Греции; лем в послѣдной были выучены минимално двадцятеро монахы з самого села Иза, ядра православия, а еще кельо з иншых сел.[4] По другом арешту, на зачатку року 1914 удало ся им утѣкнути до России. За то были арештованы их мати, сестра Ксения и Алексеева жена Магдалина. В часѣ войны служив в царском войску, в повоенны рокы учив нѣмецкый язык на гимназии в Саратовѣ (1918–1922) и быв библиотекарьом в Саратовской универзитѣ (1922–1924).[3]
Од року 1924 переселив ся на Подкарпатску Русь. Занимав ся научнов роботов. Зостав ту и по приходѣ Мадярох (1939) и по приходѣ Червеной армады (1944). В Закарпатской Украинѣ достав пост референта Народной Рады (1945), але скоро трафив под росслѣд безпекы, была му конфишкована домашна библиотека и архив, по чому, не чекаючи горшого, перебрав ся жити до Пряшова. Ту як универзитный професор учив курз русского языка на универзитѣ П.Й. Шафарика[5] и оддавав ся далшым научным штудиям културы Русинох. Умер в Пряшовѣ 5. фебруара 1959.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
