From Wikipedia, the free encyclopedia
Гент, нид. Gent, фр. Gand — город в Белгии, главный и найвекшый город провинции Выходна Фландрия, другый найвекшый пристав Белгии, а тыж центер заградництва.[1][2]
Другый найвекшый пристав Белгии
Гент
нид. Gent фр. Cand
|
Первый раз ся споминать в истории як торгова и ремеселна осада Ganda, од IX. стороча.[2] Ку XIII. ст. Гент быв едным зоз найвекшых городох Сѣверной Европы. Его просперита была закладена на продукции роскошных полотен, котры знали по цѣлой Европѣ. Од конця XVI. ст. зачав упадати зато, бо его полотна уж не могли конкуровати с англицкыма. Авшак газдовство ся обновило як достав прядилны машин на памут, котры шмугльовали з Англии, и по часѣ Гент ся став центром белгийского текстилового промысла.[1]
Универзита Гента фунгуе од року 1817.[2] В Гентѣ суть прекрасны музеи, зокрема Музей красных умѣнь, в котором ся хранять сокровища мальб фламандскых майстрох, што жили и творили ту в середновѣку.[1]
В Гентѣ сѣдлить Кральовскый театер, Фламандска опера (1840), одбывають ся меджинародны фестивалы музичны и филмовы. Раз на 5 рокы — една з найвекшых европскых выставок цвѣтя, Гентскы флоралии.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.