Вызнаня смерти in absentia — юридична процедура вызнаня особы умерлов в припадѣ, кедь хыбить ей мертве тѣло.
Особа може быти вызнана умерлов через рѣшѣня суда, основане на хыблѣню информации о ей мѣстѣ перебываня и одсутствѣ в мѣстѣ сталого бываня в перебѣгу установленого законом часу. Тот час обычайно чинить 3 рокы. Але кедь особа пропала без вѣсти при обстоянях, што грозили смертьов, або суть доводы припустити ей смерть од даякой нещастной пригоды, термин вызнаня смерти може быти меншый (напримѣр, подля ст. 21 Цивилного Кодексу Украины — 6 мѣсяци).[1]
Военный або инша особа, котра пропала безвѣстно при военных подѣях, суд може вызнати смерть не скорше, як по двох роках од закончѣня военных дѣй (подля права России и Украины). Дньом смерти особы, вызнаной умерлов, ся поважуе день вступлѣня в силу рѣшѣня суда о вызнаню смерти. Кедь иде о припад особы, яка пропала без вѣстно в обстоянях, што грозили смертьов або мож припустити ей смерть од даякой нещастной пригоды, суд може вызнати дньом смерти такой особы день ей гаданой погыбели.[1]
При громадных катастрофах были припады, коли смерть in absentia была вызнавана без рѣшѣня суда и неодовго по катастрофѣ:
- Влада США выдавала документы о смерти лем на основѣ списка пасажерох Титаника, котры не найшли ся палубѣ захранной шифы Карпатия, по ей прибытю до приставу.
- По терористичных актах 11. септембра 2001 в Ню Йорку влада штату выдавала свѣдчѣня о смерти уже по даколько днях.
В припадѣ вернутя особы, вызнаной умерлов in absentia, або виявлѣня мѣста ей перебываня суд мать одволати рѣшѣня о вызнаню смерти in absentia и подати информацию на матриковый уряд, де мають ануловати запис о смерти. Независимо од часу, особа, котра ся вернула, годна зажадати вернутя свого маетку, котрый перешов на иншы особы наслѣдком хыбного судового рѣшѣня о смерти. Особы, до котрых маеток выголошеного умерлым in absentia перейшов, мають го вернути. Кедь маеток быв реализованый, мать быти вернута сума, зыскана од його реализации.[1]
- Амелия Ергарт была in absentia вызнана умерлов судовым рѣшѣньом дня 5. януара 1939, але датумом ей смерти суд вызнав 2. юл 1937, коли ей аероплан безвѣстно пропав в серединѣ Тихого океану в пробѣ перелету доокола свѣту.
- Врублевський О. С.: Оголошення громадянина померлим //Юридична енциклопедія / ред. Шемшученко Ю. С. [та ін.] ; НАН України, Ін-т держави і права ім. В. М. Корецького. — К. : Вид-во «Українська енциклопедія» ім. М. П. Бажана, Том 4, 2002 — ISBN 966-7492-04-4 Одчитане: 22020-09-24 укр.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
