Володимир Гошовскый, укр. Володи́мир Леоні́дович Гошо́вський, *25. септембер 1922, Ужгород—†30. децембер 1996, Львов) — русинскый фолклориста, украинскый етномузиколог.[1][2][3]
Володимир Гошовскый | |
---|---|
Увидьте фото | |
Познатый як | збератель и публикатор русинскых спѣванок Подкарпатя |
Уроджѣня | септембра 25., 1922 |
Ужгород, Подкарпатска Русь | |
Упокоеня | децембра 30., 1996 (74 р.) Львов, УССР |
Похованя | Личаківський цвинтар 214458563 |
Научна робота | |
Сферы наук | музикология |
Ученый ступень | доктор филозофии |
Alma mater | Карлова универзита |
Володимир Гошовскый на Викискладѣ Ту можуть быти податкы з Wikidata, не контролованы авторами статѣ |
Походив з родины галицкого правника русофила Леонида Гошовского и арменской пианисткы Лизы Багатуровой, котры по Первой свѣтовой войнѣ емигровали до Прагы, а по прилучѣню Подкарпатской Руси (1919) были посланы там на роботу, як знаючы мѣстны языкы. Ту им ся родив четвертый сын — Володимир.[4]
В Ужгородѣ закончив середню школу, а в року 1939 по занятю Подкарпатской Руси мадярскым войском родина ся вернула до Прагы, де в роках 1940–1944 штудовав на Карловой универзитѣ (котра под нѣмецков окупациов фунговала яко Нѣмецка универзита) славянску филологию, етнографию, музикологию, арабскый и европскы языкы. В року 1944 обгаив дизертацию на тему Етнографична анализа творчости Н. В. Гоголя и достав званя доктора филозофии.[5]
В року 1945 родина ся вернула до Ужгороду. Володимир Гошовскый в роках 1946–1948 быв научным працовником Ужгородского краеписного музея; в роках 1948–1953 преподавав в Ужгородской музичной школѣ ай училищу. В року 1953 екстерно закончив Львовску конзерваторию.[5]
Од року 1955 року систематично записовав людовы спѣванкы по цѣлой Закарпатской области и дале. За первы 10 рокы записав понад 1600 співанок из 60 сел области, а ещи даколько соток в сосѣдных областях карпатского региону. Под вплывом знатого диалектолога, професора Ужгородской универзиты Йосипа Дзендзелѣвского зачав штудировати музичны диалекты, што вызначило его теоретичны погляды ай методологию на цѣле наступне десятьроча.[6]
В роках 1961–1969 преподаватель Львовской конзерватории, де основав кабинет музичной фолклористикы и зачав анализовати людовы спѣванкы на основѣ принципох лингвистикы и кибернетикы. Его пионерску роботу Фолклор и кибернетика в Украинѣ не хотѣли публиковати, а лем по прямом засягу Никиты Хрущова опубликовали ю в Москвѣ (1964). Была то перва в СССР робота на таку тему.[5]
Во Львовской конзерватории была силна опозиция и нападаня против него. Наконець, коли ситуация стала просто нестерпна, ученый зрюк ся вшиткых функций в конзерватории (1969) и перейшов на творчу роботу. На вольной нозѣ зостав без стабилной платнѣ, жив лем з принагодных заробкох. Розчарованый украинскыма реалиями, одышов до Армении, де в роках 1975–1986 працовав в Инштитутѣ умѣня АН. Послѣдне десятьроча свого живота робив за честь в розличных сполоченскых организациях и акциях на полю фолклористикы и музикологии.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.