From Wikipedia, the free encyclopedia
Весприм, мад. Veszprém, нѣм. Wesprim або Weißbrünn, лат. Vesprim — город з правами жупы в западной части Мадярщины, центер жупы Весприм.[2][3]
| Центер едноменной жупы
Весприм
Veszprém мад.
|
Город лежить на пятьох горбах.[2] Меджи вшиткыма центрами мадярскых жуп Весприм, зоз середньов вышков 266 м н. м., положеный найвысше. З Будапештом звязаный главнов автодорогов М07, з Дьером дорогов 82, з Балатонфюредом дорогов 73.
В IX. сторочу в городѣ уже была катедрала и замок. Од року 1552 аж до Карловицкого мира (1699) Весприм периодично быв окупованый Османами. Довга история захранила доднесь множество историчных и архитектурных памяток: давны домы, катедралу Святого Михаила, каплицю Гизеллы з цѣнныма фресками XIII. стороча, каштель епископа в штилу барока (1765–1776), францишканскый монастырь (1770–1776), и замок з Варошскыма воротами.[2]
Весприм творить автодорожный, желѣзничный и торговый центер. Промысловый сектор города обсягуе автомобиловый, машинарскый, електроничный и комуникачный, потравиновый конарѣ, ставебництво, але ай информачны технологии. Е ту центер научных выгледовань и приготовлѣня кадрох про хемичный промысел, котрый ся вывинув з основаной ту в року 1949 хемично-промысловой факулты Техничной универзиты Будапешта.[3][2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
