Битва при Зборовѣ (1917)
From Wikipedia, the free encyclopedia
From Wikipedia, the free encyclopedia
Битва при Зборовѣ (1. юл–2. юл 1917) была частьов офензивы Керенского, новоменованого российского военного министра, и первым значным бойовым выступом Чехословацкой легии на восточном фронтѣ Первой свѣтовой войны.
| Битва при Зборовѣ (1917) | |||||||
|---|---|---|---|---|---|---|---|
| Часть Первой свѣтовой войны | |||||||
 Мемориал под Зборовом | |||||||
| |||||||
| Противници | |||||||
| Чехословацкы легии, Россия | Австро-Мадярщина | ||||||
| Велителѣ | |||||||
| Вячеслав Платонович Троянов | Едвард фон Бем-Ермолли | ||||||
| Силы | |||||||
| 3500 | 5500 | ||||||
| Страты | |||||||
| 184 забиты 11 пропали 700 ранены |
3300 людей заяты 20 канонох заяты | ||||||
В битвѣ зышли ся российске и австро-мадярске войско коло города Зборов в Австро-Мадярщинѣ (днесь то запад Тернопольской области). По российской сторонѣ насадили чехословацку стрѣлецку бригаду, сформовану з войновых заятцьох, в силѣ 3500 воякох, понеже в российскых еднотках револучна пропаганда розвратила бойовый дух и не мож ся было на них сполягати. Еще перед битвов в приготовной канонизадѣ достали тяжкы раны два позднѣйше славны генералы: Отакар Гусак и Ян Сыровый, послѣдный утратив око. Чехословацка стрѣлецка бригада мала:
Против Чехословацкой стрѣлецкой бригады ту стояли 5500 воякох, добрѣ выстроеных и прекрасно вызброеных:
Напротив тому Чехословацка стрѣлецка бригада была слабо вызброена, на мала доста кулометох и недостаточно выстроена. Страты Чехословацкой стрѣлецкой бригады были: 167 забитых, 717 раненых (з них 17 умерли в шпиталю), 11 безвѣстных. Найкровавшый быв полудньовый бой за Могылу, укрѣпленый грунок, держаный мадярскым войском. Там упала векшина чехословацкых легионарьох. Чехословацкы воякы прорвали четыри линии неприятельской обороны и зашли на глубку аж до 5 км до фронта неприятеля, заявши 3300 австро-мадярскых воякох, 62 офицерох, 20 канонох, множество муниции.
Битва закончила ся безспорнов побѣдов российского войска. Успѣх быв такый великый, же российскый уряд, зрушив вшыткы ограничѣня на далше формованя едноток чешскых и словацкых войновых заятцьох. Выграна битва подняла самосвѣдомость чехословацкого войска, стала ся зачатком формованя силнѣйшого чехословацкго корпуса, а тыж укрѣпила позиции предсѣдника Чехословацкой народной рады Т. Г. Масарика в дипломатичных догварках о будучой независимой Чехословакии.
По Зборовской битвѣ полк Святого Вацлава достав од предсѣдника Чехословацкой народной рады Т. Г. Масарика имя полк Майстра Яна Жижкы. А въедно вшыткы три полкы были российскым велительством одзначены честнов назвов полкы 18. юна (на тот день подля тогдышного российского календаря припав день выграня битвы, 2. юн) ай достали право на свои заставы припяти святогеоргийскы стужкы.
В Зборовской битвѣ брали участь Ярослав Гашек, Лудвик Свобода и Зденек Фирлингер.
В селѣ Цецова (нынѣ Калиновка Тернопольской области) в братском гробѣ суть погребены понад 120 падлых легионарьох. На том мѣстѣ днесь е военскый мемориал.
Seamless Wikipedia browsing. On steroids.