From Wikipedia, the free encyclopedia
Атомовы бомбардованя Гирошимы и Нагасаки — перве и единичне в истории людства хоснованя нуклеарного оружия в боях.[1]
Атомовы бомбардованя Гирошимы и Нагасаки | |||||||||
---|---|---|---|---|---|---|---|---|---|
Часть Другой свѣтовой войны | |||||||||
Объекты нападу на мапѣ Японии | |||||||||
| |||||||||
Противници | |||||||||
США Велика Британия Канада |
Япония | ||||||||
Страты | |||||||||
жадны | понад 200 тысяч | ||||||||
В конци Другой свѣтовой войны (1939—1945) в США успѣшно ся завершило створѣня атомового оружия. 16. юла 1945 в пустыни под Аламогордо было докончене его выпробованя. Президент США Г. Трумен поважовав, же властництво такого оружия буде рѣшати о вплывѣ по войнѣ и дозволить ся добити уступчивости од СССР при повойновом роздѣлѣ свѣта. Требало чимскорше демонстровати силу нового оружия. Америчане диспоновали двомя атомовыма бомбами — Little Boy (Дѣтятко) и Fat Man (Бумбела), але того было очевидно не доста про побѣду над Япониев. Было знати, же СССР в найблизшом часѣ вступить до войны з Япониев, а тогды бизовно буде поражена. але 6. августа 1945 уранова бомба о силѣ 15 кт была вержена бомбардером B-29 на Гирошиму, а 9. августа плутониева бомба о силѣ 21 кт — на Нагасаки. В Гирошимѣ удар трафив на центер города, в Нагасаки — на промыслову зону. На одстояню 1–5 км од епицентра выбуха будовы были нараз розвалены. Наступный пожар знищив на 90 % Гирошиму и на 50% — Нагасаки. Загыбло понад 200 тыс. людей, сотни тысяч потерпѣли. Територия зостала радиоактивно заражена.[1]
Тоты бомбардованя не могли дефинитивно вплынути на резултат войны, понеже економична база Японии была в Манджурии, поза досягом америцкой авиации. Япония капитуловала по розгромѣ японской Квантунгской армады в Манджурии Червенов армадов 9.–17. августа 1945.[1] 17. августа император выступив з рескриптом ку офицерам и воякам императорского войска, подяковав за оддану участь в боях и объяснив свое рѣшѣня капитуловати вступом СССР до войны, чим створила ся ситуация, котра «грозить самой екзистенции Империи», не упоминаючи ани словом о атомовых бомбардованях.[2]
Масове забивство людей в Гирошимѣ и Нагасаки указало свѣту резултаты хоснованя атомового оружия, и мало значный вплыв на зачаток студеной войны.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.