![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/Wikia-Gamescom-2017-Thursday-013_%252836776324265%2529.jpg/640px-Wikia-Gamescom-2017-Thursday-013_%252836776324265%2529.jpg&w=640&q=50)
Minecraft
компютерна інді-бавка у жанрови пісковниця, уд Mojang Studios / From Wikipedia, the free encyclopedia
Minecraft (анґл. mine — «баня; добывати», craft — «ремесло; правити, майстровати») — компютерна інді-бавка у жанрови пісковниця, уд Mojang Studios. Бавку написав проґраматор Маркус Персон на языкови проґрамованя Java. Зачаткова версія бавкы была выдана в 2009 році, стабілна версія выдана в кунци 2011 року. Minecraft — майпродавана компютерна бавка в історії: на 2023 рук ся продало верьх 300 міліонув копій на вшиткых платформах. Уд першого выданя на персоналні компютеры была адаптована до бавковых консол и мобілных девайсув.
![Thumb image](http://upload.wikimedia.org/wikipedia/commons/thumb/0/0d/Wikia-Gamescom-2017-Thursday-013_%2836776324265%29.jpg/640px-Wikia-Gamescom-2017-Thursday-013_%2836776324265%29.jpg)
Minecraft поміщат бавляча в процедурно выґенерованый тримірный світ, складеный из коцок, котрі пак мож перескладовати на многі способы. Бавляч не має конкретну ціль: годен розвідовати світ, добывати хоснаві матеріалы, бити ся з противниками и так дале. Бавка має специфічні режимы, межи котрыми «выживаня», де бавляч має сам добывати ресурсы, и «креативный», де бавляч уже має неограничені ресурсы.