Ю́рий Ива́нович Вене́лин (правдиво — Юрий Гуца, Georgius Hutza лат.; *4. мая (22. апрѣля Юл. кал.) 1802, Тибава,[2] жупа Берег, Мадярске кральовство, нынѣ Свалявскый район Закарпатской области — †7. апрѣля (26. марца Юл. кал.) 1839, Москва) — российскый и болгарскый историк и публициста, еден из основательох славистикы.[3][4]
Коротка інформація Юрий Венелин Юрий, Юрій, Имя при уроджѣню ...
Закрити
- Штудии
- Походив з родины священика Ивана Гуцы.[4] Учив ся в гимназии и духовной семинарии в Унгварѣ, епископском лицею в Сатмарѣ и Сегедской академии. Учив ся недовго на Львовской универзитѣ (1822–1823, филозофска факулта).[3]
- Утѣк до России
- В яри року 1823 въедно зо своим братанцьом Иваном Молнаром, без паспорта нелегално перешов границю и пришли до Кишиньова.[5] Их рѣшѣня утѣкати раз до Львова, а пак до России было способом збавити ся повинностей перед духовныма властями, котры их як здатных штудентох выучили коштом Церкви.[6] З той причины еще во Львовѣ назвав ся Венелином. В Кишиневѣ з подпоров генерал-губернатора И. Н. Инзова обое утѣкачѣ достали бываня и мѣсто школскых учительох. За два рокы в Кишиньовѣ Венелин спознав ся зоз штудентами з болгарскых колонистох, штудировав их язык, обычаи и способ живота. Влѣтѣ року 1825 обое одышли до Москвы и там подля рады Ивана Орлая выштудовали фах медика на Московской универзитѣ (1925–1929),[7] як перед тым сам Орлай. Але з той тройкы лем Венелин, доставши диплому, медиком не зостав.[8] Куртый час працовав в Московском военском шпиталю, а пак вѣновав ся славянской истории, етнографии и языкознательству; заробляв приватным учительством.[1]
- Научна робота
- В року 1829 выдав перву часть монографии Древние и нынешние болгары... и вдяка тому од апрѣля 1830 по октобер 1831 быв членом експедиции Академии Российской до Болгарии, Молдавии и Валахии.[7] Окрем истории занимав ся языком, памятниками литературы и фолклора, яко слависта писав не лем о Болгарах, але и о другых славянах, в том числѣ и о Карпатской Руси. Выступовав против теории о норманском походжѣню славянох. Напечатав понад 40 научных робот, велика часть зостала в рукописах[3] и появила ся по его смерти старанями И. Молнара. Венелин умер 36-рочный, погребеный в Даниловском монастырю в Москвѣ.[5]
- Древние и нынешние болгары в политическом, народописном, историческом и религиозномих отношении к россиянам (т. 1, Москва, 1829)
- Древние и нынешние болгары в политическом, народописном, историческом и религиозномих отношении к россиянам (т. 2, Москва, 1841)
| „ |
Роботы Венелина зажили чудной долѣ: в России их нич не важать, але в Болгарии тото готова народна святыня. В России его роботы поважовали за историчны фантазии, кедь позирати лем з аспекту наукы: там хыбить научна критика, сконтролованя жерел. Венелин миловав ся красныма гипотезами, его историчны роботы вецей подобны на романы, як на историчны выгледованя. |
” |
О сочинениях Венелина (русс)
Сочинения эти постигла странная судьба: в России их вовсе не ценят, между тем как в Болгарии они считаются чуть ли не народной святыней. В России имя Венелина было символом исторических фантазий, и это справедливо, если на его сочинения смотреть исключительно только с научной точки зрения: в них нет научной критики, проверки источников. Венелин был человек, увлекавшийся красивыми гипотезами, и его исторические сочинения больше напоминают роман, чем научное исследование. Лось И.Л.: Венелин //Энциклопедический словарь Брокгауза и Ефрона, т. Va (1892), сс. 905–906. |
|
О ПУТЕВЫХ ЗАПИСКАХ Ю. И. ВЕНЕЛИНА
В том часѣ село мало назву Велика Тибава.
Байцура, Краєзнавчий словник..., с. 66.
Павленко Г. В., сс. 55–56.
Байцура Т.: Закарпатоукраїнська інтелігенція в Росії, с. 49.
Байцура Т.: Закарпатоукраїнська інтелігенція в Росії, с. 19.
