Шлезия (воеводство)

Воеводство Шлезия, пол. województwo śląskie — едно з 16 воеводств Польщѣ, утвореных реформов року 1999, котре лежить в южной части штату з центром в Катовицах.^[2]

Воеводство Польщѣ

Шлезия (воеводство)
Województwo śląskieпол.
Застава и герб
Держава	Польско
Подрядность	Польско
Заложѣня	1 януар 1999
Розлога	12 333,09 км2
Обывательство	4 517 635[1] особ (2019)
Центер	Катовице 50°15′51″N 19°01′25″E
Зложѣня	17 повѣтох, 19 мѣст на правах повѣту
Уряд воеводства	ul. Jagiellońska 25 40-032 Katowice
Интернет-сайт	пол.
Шлезия (воеводство) на Викискладѣ VIAF:137152383, 302887083, 147939290;GeoNames:3337497;OSM:224462; Ту можуть быти податкы з Wikidata, не контролованы авторами статѣ

Воеводство Шлезия в Польщи

Полога

Воеводство Шлезия межуе з Лодзьскым воеводством на сѣверѣ, Святокрижскым воеводством на сѣверовыходѣ, Малопольскым воеводством на выходѣ и Ополскым воеводством на западѣ; а на юг од него суть Словакия и Чехия.^[2]

Административны части

Административны части

Воеводство ся дѣлить на 17 повѣтох и 19 мѣст на правах повѣту. Се едине воеводство, де число мѣст на правах повѣту перевысшать число повѣтох.

На мапѣ темнѣшов выокремлены мѣста на правах повѣту, назвы котрых перерахованы во вертикалном списку. Назвы повѣтох суть означены на мапѣ.

1. юла 2017 законом окресленый единый в Польщи метрополиталный сполок под назвов Метрополия Горношлезского ревира, пол. Górnośląsko-Zagłębiowska Metropolia (GZM), котрый набрав правну силу 1. януара 2018. Тот административный сполок ся одличуе высоков урбанизациов и традичныма газдовско-културныма вязями.

Газдовство

Грубый домашный продукт воеводства Шлезия в року 2018 быв 260,5 млрд. зл., што чинило 12,3% ГДП Польщѣ, а на едного обывателя — 57,4 тыс. зл., з чим воеводство было друге в краю.^[3]

Головныма конарями газдовства суть службы и промысел. Найменше занятых працуе в земледѣлствѣ и лѣсном газдовствѣ.

См. тыж

• Воеводства в Польщи

Жерела и одказы

• Śląskie. Encyclopedia Britannica. 14 Sep. 2018. https://www.britannica.com/place/Slaskie. [перевірено 2022-02-10].англ.

Референции

1. Wyniki badań bieżących – Baza Demografia – Główny Urząd Statystyczny. demografia.stat.gov.pl. http://demografia.stat.gov.pl/bazademografia/Tables.aspx.|accessdate= 2022-02-10пол.
2. Encyclopedia Britannica
3. Rocznik Statystyczny Województw 2020 (PDF, s. 148). GUS Warszawa. https://stat.gov.pl/obszary-tematyczne/roczniki-statystyczne/roczniki-statystyczne/rocznik-statystyczny-wojewodztw-2020,4,15.html. [перевірено 2021-05-14].пол.

Тоты даны суть часточно або цалком основаны на перекладї статї Województwo śląskie на польскій Вікіпедії.