From Wikipedia, the free encyclopedia
Чика́го, англ. Chicago [ʃɪˈkɑːgoʊ] — третий найвекшый подля обывательства (по Ню Йоркови и Лос Анджелесови) город США, другый вызнамнѣйшый финанчный центер державы (по Ню Йоркови) и важный транспортный узел.
Город в США
Чикаго
Chicago
|
Лежить на сѣверовостоку США на южном берегу озера Мичиган во федералном штатѣ Иллинойс; е административным центром округа Кук. Город принимать морскы лодѣ зо западного берега США через Великы Озера и з южного берега через Миссисипи. Меджинародне летиско О'Гейр было днем 1.01.2018 другым найзанятѣйшым во свѣтѣ, денно принимаючым и провожаючым понад 2350 лѣтадел.[2]
В серединѣ 18. ст. територия была населена Индианами.[3] Первый колониста быв Француз Жан-Батист Пон дю Сабл, котрый оженив ся з Индианков, в року 1773 выбудовав хыжу и занимав ся земледѣлством и торговльов.[4] Тот рок ся поважуе за рок основаня Чикага, а Жан-Батист Пон дю Сабл — за основателя. Околиця была зароснута дикым чесноком (Allium tricoccum), по индианскы званым Шикааква, и перва упоминка о том мѣстѣ была под назвов Checagou з року 1679 в мемуарах Француза Роберта де Ласаля.[5] Индиане поступно оддавали свои землѣ под натиском колонизации, наконець были примусово выгнаны в року 1833.[6]
В року 1848 Чикаго быв злученый зо свѣтом желѣзницьов и каналом од озера Мичиган до Миссисипи[7] и став ся на цѣлы децении найскорше розвиваючым ся городом свѣта.[8]
Обывательство подля расы в року 2016[1]
Групы | Особ (2016) | %% |
---|---|---|
Бѣлы | 888354 | 32,6 |
Латинос | 803476 | 29,7 |
Чорны | 793852 | 29,3 |
Азийце | 170440 | 6,3 |
Индиане | 3027 | 0,1 |