![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ef/Krajne_Cierno_greckokatolicka_cerkov_zapadny_poh%25C4%25BEadZeliPV.jpg/640px-Krajne_Cierno_greckokatolicka_cerkov_zapadny_poh%25C4%25BEadZeliPV.jpg&w=640&q=50)
Церьков святого Василія Великого (Крайнє Чорне)
From Wikipedia, the free encyclopedia
Церьков святого Василія Великого є тридїлна зрубова церьков св. Василія Великого в Крайнім Чорнім, была збудована кінцём 18. стороча. Зруб є з екстерьєру крытый шынґлём. Стрїха є тыж покрыта шынґлём з ручно скіпаных клёцьків шпильковых стромів. План церькви складженый з трёх штворцїв спорядкованых у єдній лінії, почінаючой з выходной стороны пресбітеріём, штворцовов навов і на западї кінчачім бабінцём. Шырка бабінця є ідентічна зо шырков навы. В святынї і в наві є зрубова сістема внутрїшнёго упорядкованя. Обидва просторы суть закінчены куполами в подобі зрїзаного іглана. Вежа над бабінцём є приближно тых самых розмірів як шырка пресбітерія. Охрана вежы є реалізована вертікалныма дочками з шпилькового дерева а не зо шынґля як в другых частях церькви. Тоты два просторы од себе оддїлены навов взаємно гармонізують і створюють оптічно єднотну сістему цалой будовы.
.
![Thumb image](http://upload.wikimedia.org/wikipedia/commons/thumb/e/ef/Krajne_Cierno_greckokatolicka_cerkov_zapadny_poh%C4%BEadZeliPV.jpg/640px-Krajne_Cierno_greckokatolicka_cerkov_zapadny_poh%C4%BEadZeliPV.jpg)
![Thumb image](http://upload.wikimedia.org/wikipedia/commons/thumb/8/8a/Cerkov_Krajne_Cierno.jpg/640px-Cerkov_Krajne_Cierno.jpg)
![Thumb image](http://upload.wikimedia.org/wikipedia/commons/thumb/e/eb/Zvonica_pred_vstupom_do_are%C3%A1lu_cerkvi.jpg/640px-Zvonica_pred_vstupom_do_are%C3%A1lu_cerkvi.jpg)
Двоступнёва штириуглова станова стрїха над навов на гребіню мать малу кужелёвиту стрїшку (не з цібулёвыма надставцями, як в Ладомировій, Гунківцях, Бодруджалї і Миролї), на котрій є кованый желїзный крест. Стрїха над пресбітеріём є управляна, вальбова укотвена на наву, на гребіню зо штворцовым надставцём закінченым кужелёвітов стрїшков з крестом.
Церьков своёв архітектуров належыть міджі візантьскы сакралны будовы, де є выконованый выходный обряд і церьковна літурґія. Інтерьєр церькви творить бароковый іконостас з поліхромованов рїзбов і з іконами, котры были зготовлены в 18. сторочу. В церькви ся находять тыж іконы зо старшой добы. Церьков є огороджена деревянов зрубовов огородов, на котрій є шынґлёва стрїшка. Вступ до обєкту церькви є через капуру з кужелёвов стрїшков покрытов шынґлём. Церьков была обновлена в роках 1947 аж 1948 а на початку 21. стороча.
Інтересне, же на зачатку села є іщі єдна деревяна церьков покрыта бляшанов крытинов.