Церьков Архангела Михаила (Ладомирова)
From Wikipedia, the free encyclopedia
From Wikipedia, the free encyclopedia
Церьков архангела Михаила є деревяна церьков зо дзвоніцёв з року 1742 в селї Ладомирова засвячена архангелови Михаилови. Была збудована без єдиного гвозда.
В часї другой світовой войны быв пошкодженый правый бік іконостасу та пак єй зрештавровали в роцї 1946. Церьков была знову пошкоджена в року 1957, кідь на ню через бурю впала липа. Церьков є од року 1968 народнов културнов памятков а од 8. юла 2008 записана в Списку світовой културной дїдовизны.
В ареалї церькви на южнім боку є деревяна дзвоніця стовпчатой конштрукції з вонкашнёй стороны забеспечена вертікалныма смерековыма дочкаму. Дзвоніця была тыж пошкоджена впаджінём липы а знова єй реконштруовали до оріґіналного стану.
Церьков є зрубовый трипросторовый сакралный обєкт, лученый в згодї з рітом до трёх просторїв залежно од значіня.
При реновації, в року 1946, была выпилена стїна міджі навов і переднёв сїнёв, чім обидва просторы стратили свій центрістичный літурлічный характер.
Церьков была збудована на основі прикладів тіпів підкарпатьско-руськых Лемків, котрых выходна традіція у нас засягла карпатьску область аж по ріку Попрад.
Тзв. лемківскый тіп діспозіції є в Ладомировій презентованый класічнов квадратуров трёх просторів на штворцовім планї з централнов росшыренов навов, крытов тыж як пресбітеріум деревянов куполов.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
