Христология
From Wikipedia, the free encyclopedia
Христология, од грец. Χριστος Христос + λόγος учѣня — роздѣл христианской теологии, штудируючый особу и земный живот Исуса з Назарета, стотожньованого з другов особов Святой Тройцѣ, Богом-Сыном.[1]
Христология ся зачала формовати уже в апостолской добѣ (I. стороча), о том свѣдчать закладны про христологию тексты Нового Закона. В добѣ Вселенскых соборох (IV. – VIII. стороча) христология достала догматизовану форму в процесѣ конфронтации з розличныма еретичныма учѣнями. В христологичных поглядах меджи розличныма Церквами и теологами доднесь екзистують сериозны роздѣлы.[1]