From Wikipedia, the free encyclopedia
Социалистичный реализм, покуртано соцреализм — умѣлецкый метод литературы и умѣня, в основѣ котрого лежить естетичне зображѣня социалистично усвѣдомленой концепции свѣта и чоловѣка в добѣ боя за установлѣня и выбудованя социалистичного сполоченства. Зображѣня живота в свѣтлѣ идеалох социализма е главным обсягом и умѣлецко-штруктурнов основов умѣня социалистичного реализма. Его взник и розвой вяже ся росширѣньом социалистичных идей в розличных державах по мѣрѣ розвою револучного робочого руху.[1]
Понятя социалистичного реализма было закрѣплено 1. Всесоюзным зъѣздом совѣтскых писателей (1934), на котром Горькый говорив о новом методѣ як о творчой програмѣ, напряменой на реализацию револучных гуманистичных идей.[1]
В 1930-50-х роках понятя социалистичного реализма подлягло в даякой мѣрѣ догматизации и вулгаризации, котра мала быти одстранена в далшых роках.[2]
Понятя социалистичного реализма было означене як интернационалне. По росширѣню зоны вплыву СССР вшыткы совѣтскы практикы были перевзяты в иншых державах совѣтской зоны. Понятя соцреализма давало напрямны директивы про умѣлцьох и можность контроловати и ограничовати их творчу слободу з боку влады. Означѣня соцреализма давали можность широкого трактованя декларованых принципох и тым способом осуджѣня и заказу нежаданых умѣлецкых дѣл.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
